НАВІНЫ

Да пачатку сезона засталося 2 тыдні

Сябры!

Да пачатку новага, ужо 26-га, тэатральнага сезона ў РТБД застаецца ўсяго 14 дзён.

Гэта будзе СЕЗОН БЕЗ МЕЖАЎ. У нас шмат планаў, ідэй і праектаў, якія на працягу года будуць пашыраць нашы — і вашы))) — межы. Геаграфічныя, творчыя, інтэллектуальныя, асабістыя.

Квіткі ўжо ў продажы на нашым сайце і ў касе тэатра!

КОБРА (KOBRO), Гастролі Новага тэатра ім. Казімера Дэймка, 9.09.2017

Kobro (Кобра)

16+

Захапляльная гісторыя сусветна вядомай мастачкі-авангардысткі Катажыны Кобра. У спекталі ўздымаюцца пытанні аб цане, якую павінен заплаціць мастак, калі творыць, і магчымасці спалучэння мастацкай дзейнасці з асабістым жыццём.
П’еса «Кобра» з’яўляецца першай драматургічнай спробай паказаць фенамен жанчыны, пра творчасць якой на працягу многіх гадоў гаварылася толькі ў кантэксце прац яе вядомага мужа – Уладзіслава Стжэмінскага.
Малгажата Сікорска-Мішчук (Małgorzata Sikorska-Miszczuk) – драматург і сцэнарыст. Яе п’есы пераведзены на больш, чым 20 моў і чыткі праводзяцца ў розных краінах свету.

Рэжысёр: Івона Сікержыньска (Iwona Siekierzyńska)
Сцэнаграфія, касцюмы, святло: Ізабэла Строняс (Izabela Stronias)
Музыка: Мажена Майхер (Marzena Majcher)
Адміністратар: Ханна Маленда (Hanna Molenda)

У ролях:
Моніка Буховец (Monika Buchowiec)
Йоанна Крул (Joanna Król)
Пшемыслаў Дамброўскі (Przemysław Dąbrowski)
Войцех Дрошчыньскі (Wojciech Droszczyński)
Кшыштоф Пызяк (Krzysztof Pyziak)

Прэм’ера: 22 лістапада 2014
Працягласць: 1г. 15 хв.

Віншуем!

Сябры! У нас цудоўныя навіны!!!

Сёння ў Мінск вяртаецца наша каманда з Авіньёна! 
І вяртаецца не з пустымі рукамі!!!

Віншуем каманду РТБД і Demain le Printemps з узнагародай на Міжнародным тэатральным фестывалі ў Авіньёне! Спектаклі “ГРАНИЦЫ” і “ГЭТА ЎСЁ ЯНА” атрымалі прыз “Tournesol” у намінацыі “ПА-ЗА МЕЖАМІ”.

Сярод 1500 спектакляў-удзельнікаў Праграмы OFF сёлетнега Фестывалю глядацкае журы Асацыяцыі “Tournesol”, вылучыла 150 спектакляў. 
І лепшыя шэсць з іх на значныя сацыяльныя тэмы атрымалі ўзнагароды ў 5 намінацыях.

УРА! МЫ ЛЕПШЫЯ!!!

Ужо які жнівень запар падобна знакамітаму «Усходняму экспрэсу», якi курсіруе паміж Парыжам і Стамбулам, паміж Парыжам і Мінскам курсіруе гэтакі «французскі тэатральны экспрэс»!

На працягу месяца ў Мінску маладыя акцёры з Францыі, Канады і Чэхіі — члены французскай тэатральнай асацыяцыі «Demain le Printemps» — сумесна з удзельнікамі Міжнароднага грамадскага аб’яднання «Тэатра» будуць працаваць на базе Рэспублiканскага тэатра беларускай драматургii над майстэрствам акцёра, вакалам, класiчным танцам, акрабатыкай, сцэнічным рухам i дыкцыяй, і ў заключэнні экспрэс-стажыроўкі прадставяць на суд гледачоў выніковы канцэрт-капуснік, які складаецца з вакальных, танцавальных і драматычных нумароў.

Запрашаем усіх, хто ўжо знаёмы з нашым праектам, усіх, хто хацеў бы з намі пазнаёміцца, а таксама ўсіх аматараў французскай культуры i тых, хто вывучае французскую мову i цікавіцца ёю, наведаць тэатральны канцэрт «Французскі экспрэс» 26 жніўня а 19-ай гадзіне на галоўнай сцэне Рэспубліканскага тэатра беларускай драматургіі. Канцэрт падрыхтаваны ў рамках сумеснай франка-беларускай шматгадовай праграмы супрацоўніцтва РТБД і МГА «Тэатра» «Тэатральная арка».

 

Замова квiткоў:

dlpteatro@gmail.com

+375 29 578 17 02

+375 44 725 30 07

Падзея ў Facebook

#сезон25 завершаны!

Ну вось і завяршыўся наш #сезон25. І мы рады падзяліцца з вамі некаторымі нашымі вынікамі!

Мы радавалі вас прэм’ерамі, адкрывалі новыя гарызонты ў іншых краінах, шукалі новыя формы ўзаемадзеяння, чыталі вершы разам, разам пілі гарбату і, вядома, разам з вамі адчувалі #сапраўдныяэмоцыi

Дзякуй кожнаму з вас за тое, што вы падтрымліваеце нас сваімі апладысментамі, усмешкамі і слязамі, водгукамі і каментарамі!

Рады будзем ўбачыць вас зноў у верасні ў нашым тэатры. Новы сезон ужо традыцыйна адкрыецца спектаклем “Адвечная песня”.

А пакуль мы кажам вам “пакуль” і шчаслівыя сыходзім у адпачынак, каб набрацца сіл, энергіі і ідэй!

Святкуем Купалле разам з Купалам

6 ліпеня 2017 года ў 18.30 запрашаем Вас на закрыццё 25-га сезона Рэспубліканскага тэатра беларускай драматургіі традыцыйным святам “Святкуем Купалле разам з Купалам”, арганізаванага РТБД сумесна з Дзяржаўным літаратурным музеем Янкі Купалы!

 Праграма свята:

  • Выступленне лаўрэата Міжнародных конкурсаў, уладальніка прэміі Спецыяльнага Фонду Прэзідэнта Рэспублікі Беларусь па падтрымцы таленавітай моладзі народнага ансамбля цымбалістаў “Беларусачка” Мінскага Дзяржаўнага музычнага каледжа імя М.І.Глінкі.
  • Выстава “Купалінкі” мастака Аксаны Аракчэевай. На партрэтах тыя, хто стаяў ля вытокаў стварэння музея: першы дырэктар Уладзіслава Луцэвіч, пляменніца паэта Ядзвіга Юльянаўна Раманоўская, якая доўгія гады была галоўным захавальнікам фондаў, унучатая пляменніца Янкі Купалы Жанна Казіміраўна Дапкюнас, якая працягвала справу У.Ф.Луцэвіч. Таксама можна ўбачыць партрэты тых, хто з’яўляецца добрым пераймальнікам традыцый, закладзеных гэтымі таленавітымі людзьмі.
  • Дэфіле супрацоўніц музея ў тых строях , што на партрэтах і ў купальскіх вянках, створаных супрацоўнікамі крамы “Дом фларыста”. Пасля дэфіле адбудзецца розыгрыш вянкоў сярод гледачоў. Хто адкажа на пытанне музея – атрымае вянок.
  • Вершы Янкі Купалы ў выкананні акцёраў РТБД і гасцей свята з Рыгі (Латвія), Кіева, Палтавы (Украіна), Казані, Калініграда (Расія). Госці будуць чытаць вершы Купалы ў перакладзе на свае родныя мовы.
  • Спектакль “Кругі раю”, які распавядае пра жыццё і смерць Янкі Купалы, пераплятаючы рэальныя падзеі з яго творчасцю – разам з рэальнымі людзьмі на сцэне існуюць і персанажы твораў паэта. Аўтар п’есы і рэжысёр-пастаноўшчык спектакля Святлана Навуменка разам з гледачамі шукае адказы на цэлы шэраг пытанняў: Як жыў Паэт? Як ён загінуў? Ці зразумелі і прынялі яго пры жыцці? Які лёс чакаў творы Янкі Купалы і ці жывуць яны сёння?

Дні беларускай драматургіі на VII міжнародным платонаўскім фестывалі мастацтваў

Паважаныя сябры! Рады паведаміць Вам, што з 9 па 11 чэрвеня ў Варонежы на VII міжнародным платонаўскім фестывалі мастацтваў пройдуць Дні беларускай драматургіі. Куратары праекта — тэатральны крытык Крысціна Мацвіенка (Масква) і кіраўнік Цэнтра беларускай драматургіі Аляксандр Марчанка (Мінск). Будуць прачытаныя п’есы Канстанціна Сцешыка («Летели качели»), Паўла Пражко («Три дня в аду»), Максіма Дасько («Лондон»), Андрэя Іванова («С училища»), Віталя Каралёва («Москоу Дримин»). А пачнецца праграма чытаннем п’есы «Сіндром Медэі» Юліі Чарняўскай (наш спектакль па гэтай п’есе можна наведаць 20 чэрвеня). Чакаем паведамленняў з Варонежу! 

 

Юлия Чернявская  «Синдром Медеи» (читка пьесы)

15:00 – Максим Досько «Лондон» (читка пьесы)

10 июня

12:00 – Андрей Иванов «С училища»  (читка пьесы и обсуждение с автором)

15:00 – Константин Стешик «Летели качели»  (читка пьесы и обсуждение с автором)

11 июня

12:00 – Виталий Королев «Москоу Дримин»  (читка пьесы)

15:00 – Павел Пряжко «Три дня в аду»  (читка пьесы и обсуждение с автором)

Прэзентацыі зборніка “Францыск Скарына і сучаснасць”

1 чэрвеня 2017 года прэм’ерным спектаклем Рэспубліканскага тэатра беларускай драматургіі «Беларусь.Дыдактыка» адкрыўся XVII Нацыянальнага фестывалю беларускай песні і паэзіі “Маладзечна-2017” . Падчас адкрыцця на творчай вечарыне «З’яднаныя любоўю да зямлі сваёй» РТБД прэзентаваў зборнік драматычных твораў «Францыск Скарына і сучаснасць», які быў выдадзены ў сакавіку 2016 года Нацыянальнай бібліятэкай Беларусі.

Першая прэзентацыя зборніку «Францыск Скарына і сучаснасць» адбылася 10 сакавіка 2017 года ў горадзе Бялград (Сербія) падчас XVI Міжнароднага тэатральнага фестывалю «СЛАВІЯ-2017». Зборнік быў перададзены ў Нацыянальную бібліятэку Сербіі.

Таксама адбыліся прэзентацыі зборніка:

  • падчас прэс-канферэнцыі, прысвечанай XIII Міжнароднаму фестывалю тэатральнага мастацтва «Славянскія тэатральныя сустрэчы» (Гомель, май 2017), зборнік пераданы Гомельскаму абласному драматычнаму тэатру,
  • на XI абластным фестывалі дзіцячай тэатральнай творчасці «Чароўны куфэрак» для кіраўнікоў дзіцячых тэатральных калектываў РБ і Украіны,
  • на Днях культуры і славянскай пісьменнасці у горадзе Бельск (Польшча, 21-26 мая 2017г.), якія былі прымеркаваныя 500-гадовага юбілею беларускага кнігадрукавання. Зборнік пераданы аб’яднанню «Музей малой бацькаўшчыны ў Студзіводах».

У год 525-годдзя з дня нараджэння Францыска Скарыны і 500-годдзя беларускага кнігадрукавання РТБД плануе наступныя прэзентацыі зборніка:

  • у Дзень беларускай пісьменнасьці ў Полацку (верасень 2017),
  • падчас гастроляў РТБД у горадзе Лодзь (Польшча, верасень 2017),
  • на Рэспубліканскім фестывалі нацыянальнай драматургіі імя В.І.Дуніна-Мацінкевіча ў Бабруйске (лістапад 2017).

 

Кантакты


Дзяржаўная ўстанова
«Заслужаны калектыў Рэспублiкi Беларусь
«Рэспублiканскi тэатр беларускай драматургii»
г.Мінск, вул.Крапоткіна, 44
тэл.: (017) 286 03 27
тэл.: (029) 154 04 44
каса: (017) 385 97 51
Каса працуе: аўт. - ндз. 10.00-19.00, вых. - панядзелак
перапынкі: 13.00-14.00, 15.30-16.00
tbd@tut.by

 

Сацсеткi


 facb vkic instgr ytubeico

Рэспублiканскi тэатр беларускай драматургіі


© 20152017 РТБД | Дызайн — STUDIO OS