З 27 лістапада па 6 снежня 2025 года шанхайскі глядач зможа ўбачыць спектаклі “МАЙ ХОМЛЭНД” і “ВЕЧАР” на беларускай мове з кітайскімі і англійскімі субтытрамі.

Рэспубліканскі тэатр беларускай драматургіі першы раз за сваю гісторыю прадставіць спектаклі ў Кітайскай Народнай Рэспубліцы. Таму для абедзвюх краін – гэта не проста паказы, а мастацкі мост паміж беларускай і кітайскай культурамі, магчымасць паказаць сэрца Беларусі праз спектаклі, а таксама сустрэць новых сяброў, што размаўляюць на розных мовах, але разумеюць адно аднаго мовай мастацтва.

Калектыў выступае ў Маладым тэатры (“Theatre Young”). Гэта адзін з найважнейшых культурных цэнтраў Шанхая, які займаецца сучасным мастацтвам і кожны год прымае тэатральныя калектывы з усяго свету.

Дзелімся з вамі фотаздымкамі з першага паказу!

Фота: Theatre Young