НАВІНЫ

Традыцыйна напачатку новага месяца РТБД абнаўляе свой відэарэпертуар, каб у вас была магчымасць паглядзець ці перагледзець свае любімыя спектаклі.

1 і 2 кастрычніка 2024 года Рэспубліканскі тэатр беларускай драматургіі прадставіць спектакль “Камень дурасці” ў рамках III Міжнароднага Ціхаакіянскага тэатральнага фестывалю на сцэне Прыморскага тэатра моладзі (Уладзівасток).

2 кастрычніка а 18 гадзіне Цэнтр беларускай драматургіі запрашае на лекцыю Яўгеніі Бачыла “Беларускія рэжысёры: Барыс Луцэнка”.

12 верасня 2024 года спектакль “Карней” будзе паказаны на сцэне Брэсцкага тэатра лялек у рамках XXVIII Міжнароднага тэатральнага фестывалю “Белая вежа”.

З 3 па 14 верасня адкрыты набор для дзяцей і падлеткаў ад 6 да 18 гадоў у тэатральную майстэрню “Гуляем у тэатр”! У XXXIII сезоне заняткі будуць праходзіць у дзвюх узроставых групах.

У новым “сезоне пазнанняў” РТБД працягвае добрую традыцыю – знаёміць вас са сваімі спектаклямі не толькі непасрэдна ў тэатры, але і ў відэафармаце.

“Сезон пазнанняў” – пад такой назвай новы XXXIIІ тэатральны сезон стартуе ў Рэспубліканскім тэатры беларускай драматургіі. 20 жніўня спектаклем-хітом “Шлюб з ветрам” РТБД запрашае ўсіх жадаючых далучыцца да працэсу пазнанняў.

Сябры!
Нават на сваіх вакацыях РТБД не пакідае вас без #сапраўдныхэмоцый і любімых спектакляў! З 15 ліпеня па 31 жніўня вы зможаце паглядзець спектаклі-пераможцы гэтага тэатральнага сезона. Спектаклі, якія атрымалі знакавыя ўзнагароды на розных фестывалях: “Пачупкі” і “Камень дурасці”.

Шаноўныя нашы РТБД-гледачы!
Вось мы і завяршылі наш XXXIІ тэатральны сезон – сезон скарбаў. Як нам адчуваецца, ён сапраўды быў насычаны скарбамі – прыемнымі сустрэчамі, праектамі, падзеямі, знаёмствамі і, канешне, сапраўднымі эмоцыямі. Спадзяемся, у вас атрымалася сабраць свой змястоўны куфэрак тэатральных скарбаў?