Таму нашы бестселеры “Сірожа”, “Пачупкі”, “Калека з вострава Інішман” і “Гэта ўсё яна” будуць даступны ў відэафармаце для вас напрацягу снежня і студзеня. Дарыце квіткі сябрам, блізкім і сабе. Мы ўпэўненыя, што #сапраўдныяэмоцыі і ўражанні – гэта добрыя падарункі!
«Паляванне на сябе»
(запiс 2023 года)
Жыў-быў чалавек з прозвішчам Зілаў. Звычайны чалавек са звычайным прозвішчам. І была ў яго звычайная жонка. Як раптам… ён атрымаў кватэру!
Здавалася б, усё ў яго павінна быць добра. Але ён аказваецца замураваны ў лабірынце ўласнай свядомасці. А ў лабірынце гэтым шмат квэст-пакояў, дзе яго чакаюць жонка, палюбоўніца, сябры. З кожным крокам Зілаў заблытваецца ўсё больш. Ці знойдзе ён выхад?
Спектакль “Паляванне на сябе” пра тых, хто лічыць сябе дарослым, а на справе аказваецца дзіцём, якое ўпершыню патрапіла ў такі квэст-пакой уласнага жыцця.
Стас Жыркоў аб спектаклі: “Часцей за ўсё гэту гісторыю разглядаюць як вельмі бытавую, але на самой справе ў п’есе закладзены небытавы ход. І менавіта таму мне цікава паглядзець на гэтага аўтара зараз, бо час дае розныя магчымасці для працы на сцэне. Што гэта будзе? Адказваю проста: гумар, гумар, гумар і яшчэ раз гумар, толькі смеху будзе станавіцца не больш, а менш. Не заўсёды чалавек смяецца тады, калі хоча…
Акцёры РТБД – фантастычныя. Іх рашучасць, апантанасць тэатрам, іх жаданне быць лепш – усё гэта дапаможа спектаклю стаць не проста “Паляваннем на сябе”, а “Дзікім паляваннем на сябе!!!””
Аўтар – Аляксандр Вампілаў (па матывах п’есы “Утиная охота”)
Рэжысёр – Стас Жыркоў
Мастак – Алена Ігруша
Кампазітар – Андрэй Ругару
Пераклад – Марыя Пушкіна
Узроставыя абмежаванні: 16+
Прэм’ера: 10 кастрычніка 2018г.
«Камень дурасцi»
(запiс 2022 года)
Сумесная пастаноўка Рэспубліканскага тэатра беларускай драматургіі, Міжнароднай канфедэрацыі тэатральных саюзаў і Рэгіянальнага грамадскага фонду падтрымкі Міжнароднага тэатральнага фестывалю імя А. П. Чэхава
Папулярным сюжэтам у карцінах нідэрландскіх мастакоў Сярэднявечча з’яўлялася “выдаленне каменя дурасці”, згодна з якім хірург нібыта вылечвае пацыента ад дурасці. У галандскай жа мове “выразаць камень” азначае падмануць, таму дзеянне на карцінах нагадвае больш шарлатанства, чым сапраўдную хірургічную аперацыю.
Сучасная гісторыя беларускага драматурга Канстанціна Сцешыка – гэта меланхалічныя сцэны з жыцця чалавека, які перанёс складаную аперацыю на галаўным мозгу. Пазбавіўшыся свайго “каменя дурасці”, галоўны герой Раман пачынае востра адчуваць бессэнсоўнасць таго, што адбываецца ў яго жыцці і навокал. Здаецца, так было заўсёды: блізкія, што падманваюць сябе, прапаведуючы чужыя ім “правілы жыцця”, пустыя сустрэчы, размовы. Толькі цяпер гэта стала больш відавочным і невыносным.
Чым для Рамана з’явіцца “камень дурасці”? І ці толькі ў негатыўным кантэксце магчыма яго прачытанне?
Аўтар – Канстанцін Сцешык
Рэжысёр – Дзмітрый Зімін
Мастак – Алена Ігруша
Кампазітар – Аляксандр Сітнікаў
Пераклад – Марыя Пушкіна
Узроставыя рэкамендацыі – 16+
Прэм’ера – 26 сакавіка 2022 года
«Бiлет на брэсцкi цягнiк»
(запiс 2019 года)
Вадзім – звычайны сучасны малады беларус. Ён шукае сваё месца ў жыцці, жыве з адчуваннем, што ўсё добрае і лепшае адбудзецца з ім не тут і не зараз, а толькі за мяжой, напрыклад, у Маскве. Там чакае яго прэстыжная праца, сапраўднае каханне і шмат надзей на лепшае жыццё.
Здаецца, вось яно – здзяйсненне ўсіх яго мараў!
Аднак на самой справе ўсё аказваецца зусім не так, як ён малюе ў сваіх фантазіях…
Аўтар – Віталь Каралёў
Рэжысёр-пастаноўшчык – Аляксандр Гарцуеў
Мастак-сцэнограф – Сяргей Шабохін
Мастак па касцюмах – Жанна Гладко
Мастак па святле – Мікалай Суркоў
Музычнае афармленне – Ян Супаненка
Харэограф – Дзмітрый Залескі
Прэм’ера – 8 лістапада 2018 г.
«Адэль»
(запiс 2016 года)
У бясстраснае жыццё сталага мужчыны ўрываецца маладая спакусніца. Зачароўваючы яго, яна разбурае на сваім шляху ўсё, да чаго ён прызвычаіўся і лічыць важным. Гераіня мітусіцца ў выбары паміж багатым жаніхом і бесперспектыўным гісторыкам, які ўдвая за яе старэйшы…
Аўтар – Яўген Таганаў
Пераклад – Анатоль Бутэвіч
Рэжысёр – Віталь Дудзін
Кампазітар – Цімур Каліноўскі
Мастак – Алеся Снапок-Сарокіна
Прэм’ера – 10 кастрычніка 2001
Дзякуй, што працягваеце пазнаваць сябе праз спектаклi РТБД. Гэта вельмі важна для нас! Мы рады быць побач.