Аб'яўлены конкурс на пасаду галоўнага рэжысёра РТБД - РТБД

РЭСПУБЛІКАНСКІ ТЭАТР БЕЛАРУСКАЙ ДРАМАТУРГІІ

Аб’яўлены конкурс на пасаду галоўнага рэжысёра РТБД

Рэспубліканскі тэатр беларускай драматургіі аб’яўляе конкурс на пасаду галоўнага рэжысёра.
Аб'яўлены конкурс на пасаду галоўнага рэжысёра РТБД

Конкурс ставіць перад сабой задачу адабраць галоўнага рэжысёра тэатра, здольнага кіраваць прафесійным творчым калектывам, арганізоўваць эфектыўны працэс існавання тэатральнай установы, прапаноўваць стратэгіі развіцця тэатра і рэалізоўваць абраную мастацкую праграму.

Конкурс праводзіцца з улікам ужо існуючай місіі тэатра – працы ў кірунку падтрымкі і развіцця беларускай драматургіі – і агульнай канцэпцыі: адкрытасці да розных тэатральных стылістык, камернасці ў пабудове атмасферы тэатра і размовы з гледачом.

Для ўдзелу ў конкурсе кандыдат павінен мець:
– прафесійную вышэйшую тэатральную адукацыю;
– узрост ад 25 да 55 гадоў;
– стаж творчай працы не менш за 5 гадоў;
– не менш за тры рэалізаваныя пастаноўкі ў прафесійных тэатрах у якасці рэжысёра, прэм’еры якіх адбыліся за апошнія пяць гадоў;
– мастацкую праграму развіцця тэатра на тры гады.

Конкурс праходзіць у два этапы:
– адбор заявак;
– прэзентацыя мастацкай праграмы развіцця тэатра экспертнай камісіі.

Заяўкі прымаюцца з 16 сакавіка 2023 года па 11 мая 2023 года.

Поўныя ўмовы ўдзелу і парадак прыёму заявак – у Палажэнні конкурсу.

 

РТБД