“Гуляем у тэатр” – гэта творчая тэатральная пляцоўка, дзе ўдзельнікі змогуць пазнаёміцца з тэатральным мастацтвам у якасці стваральнікаў спектакля. Развіццё прафесійных акцёрскіх навыкаў і ўяўлення, разбор матываў паводзін персанажаў і пастаноўка спектакляў – усё гэта дапаможа ўдзельнікам не толькі раскрыць свае творчыя здольнасці, але і папрацаваць над навыкамі выступлення на публіцы і пашырыць свой кругагляд.
У праграме творчай майстэрні:
- Майстар-класы па акцёрскім майстэрстве;
- Заняткі па сцэнічным маўленні і пластыцы;
- Гульнявыя трэнінгі;
- Праца над эцюдамі: развіццё фантазіі і ўвагі, умення імправізаваць;
- Праца на сцэне: разбор матываў паводзін персанажаў, асваенне дэкарацый, уменне карыстацца рэквізітам;
- Пастаноўка спектакляў.
Умовы:
- Да ўдзелу ў праекце запрашаюцца падлеткі ад 10 да 16 гадоў;
- Досвед і ўменні не маюць значэння;
- Заняткі праводзяцца ў групах 10-15 чалавек 1 раз на тыдзень у нядзелю з 14.00 па 16.00 (па меры фарміравання групы і па запыту ўдзельнікаў магчыма разгледзіць іншыя варыянты часу);
- Заняткі праводзяцца на рускай мове, праца праходзіць на аснове мастацкіх тэкстаў на беларускай і рускай мовах;
- Кошт 1 сустрэчы (2 гадзіны) – 40 р.
Далучайцеся да нашай творчай майстэрні “Гуляем у тэатр”!
Запіс па нумары тэлефона (тэлефануйце, калі ласка, з 14.00 да 18.00):
+375296981596 (Канстанцін Воранаў)