Адкрываем дадатковы набор дзяцей у творчую майстэрню “Гуляем у тэатр”!
“Гуляем у тэатр” — гэта творчая тэатральная пляцоўка для дзяцей ад 6 да 10 гадоў, дзе ўдзельнікі змогуць пазнаёміцца з тэатральнай магіяй і раскрыць сябе з дапамогай гульні ў тэатр. Гэта месца, поўнае добразычлівасці і цеплыні, месца, дзе нараджаецца сапраўднае сяброўства, рэалізуюцца яскравыя ідэі і ствараюцца цікавыя міні-спектаклі. Выкладчыкамі майстэрні з’яўляюцца акцёры РТБД!
У праграме творчай майстэрні:
- Майстар-класы па акцёрскім майстэрстве;
- Гульнявыя трэнінгі, якія развіваюць памяць, увагу, уяўленне і фантазію;
- Арт-тэрапія;
- Эстэтычнае выхаванне, чытанне літаратуры, навучанне прыгожаму і трапнаму валоданню беларускай мовай, вывучэнне гісторыі тэатра.
Мы дапаможам кожнаму дзіцяці праявіць сябе, раскрыць свой творчы патэнцыял, не баяцца выступаць на публіцы.
Умовы:
- Да ўдзелу ў праекце запрашаюцца дзеці ад 6 да 10 гадоў;
- Досвед і ўменні не маюць значэння;
- Заняткі праводзіцца ў групах 10-15 чалавек 1 раз на тыдзень (па суботах у 14:00);
- Кошт 1 сустрэчы (2-3 гадзіны) – 40 р.