Андрэй Лабчэўскі – кампазітар, піяніст, кіраўнік ансамбля “Дыліжанс-джаз”. Член Беларускага саюза кампазітараў. Скончыў Мінскі дзяржаўны музычны каледж, Беларускі дзяржаўны ўніверсітэт культуры і мастацтваў і інш. У якасці кампазітара і піяніста супрацоўнічае з тэатрамі Беларусі і Расіі. У РТБД напісаў музыку да спектакляў “Заручыны”, “Ладдзя роспачы”, а таксама “Я, бабуля, Іліко і Іларыён”.
Прэм’ера XXXIV сезона ад рэжысёра Святланы Навуменка – спектакль “Ладдзя роспачы” – праз філасофскую прозу Уладзіміра Караткевіча распавядае пра ўнутраны свет чалавека, які стаіць на парозе паміж “тут” і “там”. І пытае: мы – стваральнікі свайго лёсу ці толькі акцёры ў п’есе, якую хтосьці напісаў для нас?
Запрашаем 30 чэрвеня ў 18:15 у Цэнтральны Дом афіцэраў. Уваход – па квітках на спектакль.