“Калека з вострава Інішман” – удзельнік фестывалю Марціна МакДонаха!
Спектакль “Калека з вострава Інішман” Рэспубліканскага тэатра беларускай драматургіі – удзельнік V Міжнароднага фестывалю Марціна МакДонаха! Спектакль адбудзецца 4 кастрычніка 2022 года ў Вялікай зале тэатра “Ля Моста” (Перм, Расія).
Міжнародны фестываль Марціна МакДонаха праходзіць у Пермі раз у два гады і збірае ў сваёй афішы пастаноўкі з усяго свету, створаныя па п’есах брытана-ірландскага кінарэжысёра, сцэнарыста, прадзюсара і драматурга Марціна МакДонаха. Акрамя спектакляў у праграме фестывалю – майстар-класы рэжысёраў і лекцыі тэатральных крытыкаў, “Парад рыжых” і ірландскія танцавальныя вечарыны.
“Калека з вострава Інішман” – першая пьеса з трылогіі ірландскага тэатральнага Таранціна. Спектакль РТБД быў пастаўлены рэжысёрам Аляксандрам Гарцуевым у 2021 годзе.