Навучэнцы школ Ленінскага раёна г.Мінска паглядзяць спектакль “Альпійская балада”, а таксама стануць ўдзельнікамі інтэрактыўна-пазнавальнай праграмы Інфармацыйна-турыстычнага цэнтра “Мінск”.
Спектакль “Альпійская балада” паводле аднайменнай аповесці класіка беларускай літаратуры Васіля Быкава – гэта далікатна-кранальная гісторыя кахання, захавання міласэрнасці і чалавечага гонару ў жудасных і бесчалавечных абставінах.
“Код памяці: ад сэрца да сэрца” – праект Рэспубліканскага тэатра беларускай драматургіі і Камітэта па адукацыі Мінгарвыканкама. Дыялог пакаленняў і часоў праз тэатральнае мастацтва дазваляе дакрануцца да гісторыі і захаваць памяць аб трагічных падзеях Вялікай Айчыннай вайны.