Мікалай Васільевіч Гогаль майстра містычных сюжэтаў, аднак, нягледзячы на гэта, яго драматычныя творы поўныя рэалізму і цвярозага стаўлення да рэчаіснасці. Камедыя “Гульцы” – гэта не проста злая сатыра на шулерства. У дадзенай п’есе Гогаль разважае пра прыроду хлусні, пра скажоны погляд на прыстойнасць і сумленне ў грамадстве.
У новым спектаклі РТБД “Махляры” ідэя бязлітаснага падману становіцца прасторай тэатральнай гульні, абаяльнай і віртуознай. Гледачы змогуць пагрузіцца не проста ў свет містыкі, яны адчуюць на сцэне прысутнасць тагасветных сіл, у руках якіх апынуцца ўсе ўдзельнікі загадкавага працэсу.
Рэжысёр Сяргей Фядотаў выдатна спалучае рэальнае і тагасветнае, бытавое і містычнае, свядомае і несвядомае ў сваіх пастаноўка. У Фядотава містыка – гэта не проста тэма ці накірунак, гэта асаблівы светапогляд. Яго спектаклі могуць быць і камічнымі, і трагічнымі, але элемент таямнічасці, магіі ў іх абавязкова прысутнічае.
Дадатковая інфармацыя аб спектаклі:
Рэжысёр – Сяргей Фядотаў
Мастак-сцэнограф і мастак па касцюмах – Сяргей Фядотаў
Кампазітар – Аляксандр Пантыкін
Пераклад – Марыя Пушкіна
Узроставыя рэкамендацыі – 16+
Прэм’ера – 17 снежня 2022 года
Працягласць – 2 г. 10 хв. з антрактам