6 мая відэасэрвіс VOKA правядзе трансляцыю прэм’ернага паказу Рэспубліканскага тэатр беларускай драматургіі – спектакля “Альпійская балада” паводле знакамітай аповесці Васіля Быкава. Прамы эфір пачнецца ў 19:00 па мінскім часе і будзе даступны для прагляду бясплатна.

Гісторыю кахання беларускага салдата Івана і італьянкі Джуліі паставіла рэжысёр Святлана Навуменка. Яна ж напісала інсцэніроўку аповесці для тэатра і падрыхтавала музычнае афармленне. Мастак гэтага спектакля – Юрый Саламонаў.

“Альпійская балада” ў Рэспубліканскім тэатры беларускай драматургіі – гэта арганічнае спалучэнне пластыкі (харэограф Максім Дубоўскі), відэакантэнту (аўтар Алена Хмялеўская) і абсалютна натуральнага спосабу існавання акцёраў на сцэне. Ролю Івана выконваюць Аляксандр Ніканенка і студэнт БДАМ Андрэй Дудко, а ролю Джуліі – студэнткі БДАМ Ангеліна Ландышка і Юлія Лазоўская.

Шматкамерная мастацкая здымка ў высокай якасці дазволіць кожнаму гледачу максімальна пагрузіцца ў атмасферу тэатральнай залы і ўбачыць усё, што адбываецца на сцэне, з розных ракурсаў.

Паказ працягвае серыю трансляцый, якія відэасэрвіс VOKA праводзіць з Рэспубліканскага тэатра беларускай драматургіі.

Далучыцца да прагляду 6 мая можна ў дадатку VOKA ці на сайце voka.tv.