“Заручыны” – дзве гісторыі заручын і два спектаклі ў адзін вечар! Тэатральная гасцёўня як неад’емная частка “вечара гарадскіх камедый” і глядач, што пагрузіцца ў каларыт і атмасферу Мінска канца XIX – пачатку XX стагоддзяў і стане сапраўдным сутворцам гарадской культуры таго часу.
Святлана Навуменка: “Гэтым праектам мы жадаем звярнуць увагу тэатральнай публікі на нацыянальную беларускую драматургію і асабліва аднаактовыя п’есы, якія незаслужана, на наш погляд, сышлі калісьці “ў цень”. Мы жадаем, каб кожны глядач з першых хвілін знаходжання ў тэатры адчуў сябе мінчанінам таго часу. У спектаклі – аўтэнтычныя тэксты, пластыка, многа вакалу, які выконваецца ўжывую, а яшчэ ў камедыях працуюць самыя маладыя акцёры тэатра разам з вопытнымі майстрамі сцэны.”
У цэнтры ўвагі – маладыя дзяўчыны, якія чакаюць свайго шчасця… Хлопцы, для якіх шлюб – спосаб вырашыць асабістыя праблемы… І бацькі, якія безумоўна жадаюць найлепшага для сваіх красуль, хоць і клапоцяцца за лёс дачок па-рознаму…
Гратэск і сакавіты гумар, эксклюзіўныя песні на вершы Янкі Купалы, яскравыя пластыка і харэаграфія, надзвычайныя сюжэты і персанажы, блытаніна і падман – усё дзеля шчаслівага выбару дзвюх маладых.
Дзверы ў тэатральную гасцёўню адчыняюцца ў 18:30.