РТБДом: кастрычнік
“Усё, што мела я, злілося ў адным,
І гэта быў мой муж…”
Эўрыпід “Медэя”
Сюжэт Эўрыпіда актуальны і па сённяшні дзень. Змяняюцца толькі дэкарацыі жыцця і формы рэакцый.
Як чалавек жыве і будуе сваё жыццё ў межах жыцця іншага чалавека? Што ён адчувае пасля здрады ці страты? Што стаіць за яго ўчынкамі?
Сёння мы не паглыбляемся ў сутнасць псіхалагічнага выбуху: дастаткова, што ён адбыўся. Мы лёгка выносім свае вердыкты ў каментарыях у сусветнай павуціне, каб праз пару дзён забыцца на гэта і пераключыцца на чарговую гісторыю.
Павярхоўны позірк на этыкетку, паскораныя меркаванні і нежаданне зразумець іншага – трагедыя не толькі адной Медэі.
Аўтар – Юлія Чарняўская
Рэжысёр-пастаноўшчык – Кацярына Аверкава
Мастак – Алена Ігруша
Харэограф – Яўген Карняг
Пераклад прозы – Дзіяна Даражок
Пераклад вершаваных тэкстаў – Стась Карпаў
Кампазітар – Кацярына Аверкава
Куды каціцца свет? Што не так з сучасным грамадствам?
Дзіўна, але гэтымі ж пытаннямі задаваўся Аляксандр Астроўскі яшчэ ў сярэдзіне XIX стагоддзя ад імя свайго персанажа Жадава ў п’есе “Даходнае месца”. Прайшло амаль паўтары стагоддзі, а пытанні застаюцца актуальнымі.
У кожнага чалавека свае жыццёвыя прынцыпы. Адзін выбірае грошы, фінансавы дабрабыт, багацце. Другі – багацце душэўнае, сумленнасць, адказнасць, гонар. У кожнага свая выгада ад такога жыццёвага выбару, свой профіт. Але хто выйграе?
А калі да гэтых каштоўнасцяў дадаць каханне? Ці маем мы права рабіць другога чалавека заложнікам свайго рашэння, альбо павінны ісці на кампраміс дзеля кахання?
Сучасны погляд на вечныя пытанні аб чалавечых каштоўнасцях у новай пастаноўцы Аляксандра Гарцуева ў РТБД.
Аўтар – Аляксандр Астроўскі
Рэжысёр-пастаноўшчык – Аляксандр Гарцуеў
Мастак-сцэнограф – Юрый Саламонаў
Мастак па касцюмах – Марына Алекна
Кампазітар – Дзмітрый Фрыга
Тысячы і тысячы ўнутраных кіламетраў у надзеі збегчы ад кахання альбо ад яго адсутнасці…
Пошук паратунку ў тым жа, ад чаго бяжым…
Безнадзейная падобнасць да герояў старажытнагрэчаскага міфу пра Арфея і Эўрыдыку…
І сустрэча з адзінотай, змешчанай у адзіны гіганцкі абсалют холаду і бяздушнасці – у бетон.
Аўтар ідэі і рэжысёр – Яўген Карняг
Мастак – Таццяна Нерсісян
Кампазітар – Мікіта Залатар
Мастак па святле – Яўген Карняг
Простая і адначасова складаная гісторыя рэальнага жыцця францужанкі Жызэль Купэс, прыгожай і моцнай жанчыны.
Жызэль нарадзілася і вырасла ў Парыжы, але па волі лёсу большую частку свайго жыцця правяла ў беларускай вёсцы Карзуны.
Аб чым марыць маладая Жызэль, захопленая балетам, што адчувае дарослая Жызэль Купэс, адарваная ад Радзімы, аб чым шкадуе (і ці шкадуе?) сталая Жызэлька ў атачэнні сваіх вясковых суседзяў?..
У пастаноўцы Аляксандра Гарцуева ёсць адказы на ўсе гэтыя пытанні.
Аўтар – Андрэй Курэйчык
Рэжысёр-пастаноўшчык – Аляксандр Гарцуеў
Мастак – Андрэй Меранкоў
Кампазітар – Дзмітрый Фрыга
Дзякуй, што застаецеся на хвалі #сапраўдныхэмоцый разам з намі. Гэта сапраўдная каштоўнасць для нас! Будзем рады атрымліваць вашы замовы на новыя відэапаказы. Чакаем вас у РТБД: анлайн ці афлайн.