“Беларусь.Дыдактыка” (запіс 2017 года)
дарога да сябе 12+
Аб сваім месцы ў свеце, аб адносінах з людзьмі, з рэчаіснасцю, роднай прыродай, сваім народам, праз беларускі фальклор і ўрыўкі з беларускай класічнай літаратуры разважае народная артыстка Беларусі Таццяна Мархель, а дапамагае ёй у гэтым музыка Дзмітрый Лук’янчык.
Рэжысёр-пастаноўшчык — Аляксандр Марчанка
Музыка — Дзмітрый Лук’янчык
Рэдактар па адборы літаратурнага матэрыялу — Вера Буланда
“ФІНТ-КРУАЗЭ” (запіс 2014 года)
Дзве сучасныя камедыі 18+
Спектакль «Фінт-Круазэ» складаецца з дзвюх сучасных беларускіх камедый «Перапіс насельніцтва» і «Сватаўство». Гэта дзве гісторыі пра звычайных людзей. Простыя, жыццёвыя, смешныя і кранальныя. Іх героі жывуць побач з намі. У кожнага з нас знойдуцца такія «персанажы» сярод сваякоў, суседзяў і знаёмых. Камедыі не перасякаюцца па сюжэтнай лініі, але іх аб’ядноўвае акцёрскі састаў. Адзін артыст на працягу вечара выконвае дзве зусім не падобныя адна на адну ролі, часам змяняючыся да непазнавальнасці. Але галоўнае, «Фінт-Круазэ» – гэта спектакль пра Каханне, непрадказальнае, раптоўнае, шчырае. Каханне, якое можа знянацку напаткаць кожнага з нас і натхніць зрабіць Учынак, каб нешта змяніць у сваім жыцці.
Аўтары: «Перапіс насельніцтва» (Д.Багаслаўскі) і «Сватаўство» (В.Красоўскі, Д.Багаслаўскі) Рэжысёр-пастаноўшчык: Святлана Навуменка
Мастак-пастаноўшчык: Юрый Саламонаў
Кампазітар: Віталь Суддзін
Харэаграфія: Вольга Скварцова
“Раскіданае гняздо” (запіс 2013 года)
Народная трагедыя 16+
Сюжэт геніяльнай п’есы Янкі Купалы «Раскіданае гняздо», напісанай у 1913 годзе, актуальны і ў нашы дні. Аказваецца, праблемы людзей зусім не памяняліся за сто гадоў! Яны аднолькава мараць аб лепшым жыцці, гэтак жа ў пошуках свайго месца пад небам, аднолькава гатовыя змагацца за сваю маёмасць і гэтак жа не падрыхтаваныя прыйсці да паразумення.
Аўтар: Янка Купала
Рэжысёр-пастаноўшчык: заслужаны дзеяч мастацтваў РБ Аляксандр Гарцуеў
Мастак-пастаноўшчык: Ігар Анісенка
Кампазітар: Дзмітрый Фрыга
Балетмайстар: Вольга Скварцова
Прэм’ера: 6 красавіка 2013
Працягласць: 2 г. 30 хв. з антрактам
“Адвечная песня” (запіс 2015 года)
Фольк-опера 16+
Сучасная беларуская фольк-опера, якая ўяўляе сабою ўнікальны сінтэз народных матываў і рок-музыкі. Неверагодны, захапляльны спектакль пра жыццё нашых продкаў, пра лёс Чалавека ад нараджэння і да смерці, пра тых, хто даў нам жыццё, сілу, годнасць і веру. Гісторыя пра шлях Беларуса пад гэтым сонцам на гэтай зямлі, які, на думку Янкі Купалы, павінен быць «царам прыроды»…
Аўтар: Янка Купала
Сцэнічная ідэя і пастаноўка: Сяргей Кавальчык
Кампазітар: Цімур Каліноўскі
Сцэнаграфія і касцюмы: Уладзімір Ціханаў
Балетмайстар: Тамара Федасеева
Прэм’ера: 6 ліпеня 2002 Працягласць: 1 г. 40 хв. без антракту
У аднаўленні спектакля бралі ўдзел:
Сцэнаграфія: Юрый Саламонаў
Мастак па касцюмах: Марыя Герасімовіч
Балетмайстры: Людміла Фадзеева, Яфім Фадзееў
Педагог па вакале: Аляксандра Сандлер
Аранжыроўка: Алег Хаменка і гурт «ПАЛАЦ»
Нагадваем, што вы можаце замаўляць у нас спектаклі для наступных паказаў у відэафармаце – мы рады, калі можам выконваць вашы жаданні. Дзякуй, што застаецеся з намі на хвалі #сапраўдныхэмоцый анлайн і афлайн – гэта вялікая каштоўнасць для нас.