На гэты раз наша падборка пагрузіць вас у даследаванне такога паняцця, як “культурны код”. Прапануем разам дэшыфраваць вобразы і сэнсы, закладзеныя ў спектаклях, каб знайсці ключ да разумення сябе, сваіх асаблівасцяў, сваёй ідэнтычнасці. Будзем рады, калі вы будзеце дзяліцца з намі тымі перажываннямі і думкамі, якія будуць узнікаць у вас падчас прагляду.
Увесь май у доступе будуць спектаклі “Кар’ера доктара Рауса”, “Бетон”, “Мабыць?” і “Гульня без правілаў і з невядомай мэтай”.
«Кар’ера доктара Рауса»
(запiс 2023 года)
гістарычна недакладная трагікамедыя 16+
Людзi, якiя нарадзiлiся раней сваёй эпохi. Што мы ведаем пра iх? Сухія гістарычныя факты, даты і лічбы, партрэты ў падручніках. Ведаем iх дасягненні, якія сёння для нас натуральныя і незаўважныя. Але мы наўрад ці задумваемся аб тым, як такія людзі жылі, што адчувалі, як да іх ставіліся навакольныя i чаго iм каштавала апантанасць сваімі ідэямі, якая змяніла жыццё ўсяго чалавецтва. Кар’ера доктара Рауса – гісторыя чалавека, якi нарадзiўся значна раней сваёй эпохi. І імя яго – Францыск Скарына.
Рэжысёр – Аляксандр Гарцуеў
Мастак – Андрэй Меранкоў
Мастак па касцюмах – Таццяна Лісавенка
Мастак па святле – Аляксандр Колас
Прэм’ера: 19 красавіка 2017г.
«Бетон»
(запiс 2017 года)
Візуальная паэзія 18+
Тысячы і тысячы ўнутраных кіламетраў у надзеі збегчы ад кахання альбо ад яго адсутнасці… Пошук паратунку ў тым жа, ад чаго бяжым… Безнадзейная падобнасць да герояў старажытнагрэчаскага міфу пра Арфея і Эўрыдыку… І сустрэча з адзінотай, змешчанай у адзіны гіганцкі абсалют холаду і бяздушнасці – у бетон.
Аўтар ідэі і рэжысёр – Яўген Карняг
Мастак – Таццяна Нерсісян
Кампазітар – Мікіта Залатар
Мастак па святле – Яўген Карняг
Прэм’ера – 28 верасня 2017 г.
Прэм’ера: 6 мая 2022 года
Працягласць: 1 г. 30 хв. без антракту
«Мабыць?»
(запiс 2016 года)
спектакль-даследаванне 18+
Першы на беларускай рэпертуарнай сцэне спектакль у жанры “вербацім”, які цалкам складзены з рэальных маналогаў і дыялогаў звычайных людзей, нашых сучаснікаў.
Пасля гутарак нашых акцёраў, драматурга, рэжысёра і кампазітара з выпадковымі беларусамі пра жыццё атрымаўся адзін з самых смелых і праўдзівых сталічных спектакляў, у якім мінчане, нарэшце, мелі магчымасць выказацца.
Рэжысёр-пастаноўшчык – Аляксандр Марчанка
Драматург – Дзмітрый Багаслаўскі
Мастак-пастаноўшчык – Юрый Саламонаў
Кампазітар – Ягор Забелаў
Прэм’ера: 9 снежня 2014 г.
Працягласць: 2 г. без антракту
«Гульня без правілаў і з невядомай мэтай»
(запiс 2016 года)
Ці сапраўды волат ператварыўся ў цмока менавіта тады, калі дакрануўся да скарбаў?
I чаму я не ўмею лётаць?
Калі б хараство давалася нам не цяжка і не балюча, ці разумелі б мы яго як хараство?
I ці хочаш ты плакаць, калі нехта добра спявае?
Чалавек корміць, поіць, шаруе сваё цела, якое потым пакладзе ў труну. Мае гэта сэнс?
Можа, ты хочаш у прусакі? Праўда, яны падобныя на нас?
Можа, шукаеш дасканаласці? А наколькі ты дасканалы, каб Гасподзь цябе пачуў?
І для чаго мастацтва? Толькі для інтэр’еру?
I якім павінен быць горад?
I куды цячэ рака?
I што самае галоўнае ў жыцці?
I куды гэта коціцца? Гэтая велізарная вар’яцкая машына?
Можа, я сплю, і гэта Рым часоў заняпаду?..
Магчыма, ты думаў пра тое, што жыццё магло быць іншым?
Навошта ўсё гэта? Чаму мы жывем так, а не інакш?
Пераклад – Альгерд Бахарэвіч
Пастаноўка – Аляксандр Марчанка
Гукарэжысёр – Ксенія Каральчук
Мастак па святле – Іван Гусеў
Мастак-пастаноўшчык – Ганна Балаш
Кампазітар – Дзмітрый Лук’янчык
Прэм’ера: 25 мая 2016
Працягласць: 1г. 40хв. без антракту
Дзякуй, што застаяцеся з намi на хвалi #сапраўдныхэмоцый . Гэта вельмi каштоўна для нас!
Жадаем вам прыемнага прагляду.