РТБДом: XXX сезон. Чэрвень
Чэрвеньскія відэапаказы спектакляў РТБД ужо чакаюць сваіх гледачоў. Працягваем дзяліцца з вамі цікавымі, эксперыментальнымі і незабыўнымі спектаклямі з нашага відэафонду.
На працягу ўсяго чэрвеня прапануем вам паглядзець спектаклі: “Сталіца Эраўнд”, “А калі заўтра няма?..” і “Паляванне на сябе”.
А КАЛІ ЗАЎТРА НЯМА… (А ЕСЛИ ЗАВТРА НЕТ?..) *
7 дзён без антракту
Свет раскалоўся напалам, свет ляціць у прорву… Антон, маючы ад роду 16 гадоў, зняверыўся ў цэлым свеце. Бацькі з’ехалі ў Лондан і там другі тыдзень «адрываюцца». Дома паралізаваны маўклівы дзед, а паверхам ніжэй жыве каханая дзяўчына, якая раптам не захацела бачыцца і размаўляць з Антонам. Вось яны — парэнчы балкона на дзявятым паверсе… Яны рыпаюць, падрыгваюць і прагінаюцца пад цяжарам цела Антона. Крок наперад — і заўтра ўжо не будзе! Але ўнізе стаіць дворнік Васіль. Ён не прыходзіць у жах, не крычыць, а толькі глядзіць уверх, чамусьці яхідна ўсміхаецца і … Дык як жа быць далей герою п’есы і спектакля?
Аўтар: Дзмітрый Багаслаўскі
Жанр: 7 дзён без антракту
Пастаноўка і сцэнаграфія: Аляксандр Гарцуеў
Прэм’ера: 24 кастрычніка 2013г.
Працягласць: 1 г.
12+
У ролях:
Васілій – Андрэй Новік
Антон – Дзмітрый Давідовіч
Бацька – Максім Шышко
Дзед – Валянцін Салаўёў
*спектакль ідзе на рускай мове
СТАЛІЦА ЭРАЎНД
Парадаксальная камедыя
Вагон метро. Два незнаёмыя паміж сабою маладыя мужчыны. Магчыма, яны б ніколі не сустрэліся і не распачалі гутарку, калі б цягнік метро выпадкова не спыніўся паміж станцыямі. Але, як вядома, выпадковасцяў не існуе і тое, што здараецца з намі, заўсёды для чагосьці патрэбна. Для чаго адбылася гэта нечаканая сустрэча? Як яна зменіць жыццё герояў? Як паўплывае на іх лёсы?
Аўтар: Сяргей Гіргель
Жанр: Парадаксальная камедыя
Пастаноўка: Вольга Саратокіна (Сара Токіна)
Сцэнаграфія: Алена Ігруша
Музыка і тэксты песень: Дзяніс Паршын
Музычнае афармленне і аранжыроўка: Цімур Каліноўскі
Прэм’ера: 2 мая 2007
Працягласць: 1 г. 20 хв. без антракта
16+
У ролях:
Дзяніс Паршын
Максім Паніматчанка
ПАЛЯВАННЕ НА СЯБЕ
Не камедыя
Жыў-быў чалавек з прозвішчам Зілаў. Звычайны чалавек са звычайным прозвішчам. І была ў яго звычайная жонка. Як раптам… ён атрымаў кватэру! Здавалася б, усё ў яго павінна быць добра. Але ён аказваецца замураваны ў лабірынце ўласнай свядомасці. А ў лабірынце гэтым шмат квэст-пакояў, дзе яго чакаюць жонка, палюбоўніца, сябры. З кожным крокам Зілаў заблытваецца ўсё больш. Ці знойдзе ён выхад? Спектакль «Паляванне на сябе» пра тых, хто лічыць сябе дарослым, а на справе аказваецца дзіцём, якое ўпершыню патрапіла ў такі квэст-пакой уласнага жыцця.
Рэжысёр: Стас Жыркоў (Украіна)
Мастак: Алена Ігруша
Кампазітар: Андрэй Ругару (Украіна)
Пераклад: Марыя Пушкіна
Узроставыя абмежаванні: 16+
Прэм’ера: 10 кастрычніка 2018
Працягласць: 2г. 45хв.
У ролях:
Зілаў – Максім Брагінец
Галіна – заслужаная артыстка РБ Людміла Сідаркевіч
Ірына – Гражына Быкава
Кузакоў – Арцём Курэнь
Саяпін – Андрэй Новік
Дзіма – Дзмітрый Давідовіч
Вера – Гання Семяняка
Кушак – Сяргей Шымко
Валерыя – Анастасія Баброва
Далучайцеся да прагляду спектакляў РТБД у зручным для вас фармаце. Мы вельмі шануем тое, што вы застаецеся з намі.
Гэта сапраўдная каштоўнасць для нас!