Саўка і Марыся – выдатныя муж і жонка, шмат у чым нагадваюць біблейскіх Адама і Еву. Яны маладыя, прыгожыя і вельмі працавітыя. Жывуць у любові і згодзе, старанна вядуць хатнюю гаспадарку. Але адкуль ні вазьміся да іх заяўляецца Чорт…
Гэты аўтэнтычны і лёгкі спектакль вось ужо больш за 15 гадоў захоўвае сваю папулярнасць, нядаўна пераадолеўшы мяжу ў 300 паказаў. У спектаклі неверагодна пераплецена рэальнае і фантастычнае, сапраўднае і карыкатурнае, сучаснае і старажытнае, шмат музыкі, пластыкі і, вядома, жартаў.
Спектакль пройдзе на беларускай мове з рускімі субтытрамі. Гэты паказ працягвае традыцыю паказаў беларускіх спектакляў у сценах Амбасады.