У Мінску на праспекце Машэрава ўвялі часовыя змены ў арганізацыі дарожнага руху. Карэкціроўкі дзейнічаюць на ўчастку ад вуліцы Багдановіча да вуліцы Даўмана, і звязаны з будаўніцтвам метро.
Калі вы едзеце да нас з боку плошчы Перамогі, вось як лепш дабрацца:
На трамваі — да прыпынку “Тэатральны”, а потым крыху вярнуцца назад да тэатра.
На аўтобусе — да прыпынку “Праспект Машэрава”, затым прайсці наперад на наземны пешаходны пераход (насупраць крамы “Суседзі”)
Калі ласка, улічвайце гэтыя змены і разлічвайце час з невялікім запасам. Каб дарога да тэатра не сапсавала вам настрой, а толькі дадавала чакання сустрэчы з РТБД.
Заўсёды радыя бачыць вас у РТБД!