16 лістапада 2022 года Рэспубліканскі тэатр беларускай драматургіі прадставіць прэм’ерны спектакль мінулага сезона – “Альпійская балада” – на закрыцці Рэспубліканскага фестывалю нацыянальнай драматургіі імя В.І. Дуніна-Марцінкевіча.
Новы месяц – новыя спектаклі ў відэафармаце ад РТБД. Трымайце наш лістападаўскі анлайн-рэпертуар. Па вашых замовах мы падрыхтавалі да прагляду спектаклі “Беларусь. Дыдактыка”, “ФІНТ-КРУАЗЭ”, “Раскіданае гняздо” і “Адвечная песня”. Будзем разам медытаваць з дапамогай класічнай беларускай літаратуры і мілагучнай беларускай мовы.
1 лістапада відэасэрвіс VOKA пакажа прамую трансляцыю прэм’ернага спектакля Рэспубліканскага тэатра беларускай драматургіі “Тэсты для взрослых”. Трансляцыя будзе даступна бясплатна з любой кропкі свету для ўсіх жадаючых. Анлайн-паказ пачнецца ў 19:00 па мінскім часе.
Калі вы даўно марылі стаць часткай нашай творчай каманды, гэта навіна дакладна для вас!
“Гуляем у тэатр” — гэта творчая тэатральная пляцоўка для дзяцей ад 6 да 10 гадоў, дзе ўдзельнікі змогуць пазнаёміцца з тэатральнай магіяй і раскрыць сябе з дапамогай гульні ў тэатр.
Сябры! У нас цуд-навіна!
Дзелімся з вамі прыемнымі для нас вынікамі V Міжнароднага тэатральнага фестывалю Марціна МакДонаха, дзе РТБД прадставіў спектакль “Калека з вострава Інішман”.
РТБД працягвае паказваць свае спектаклі ў відэафармаце. І робіць гэта па вашых, нашы любыя гледачы, замовах. Кастрычніцкія паказы мы вырашылі назваць “спектаклі, па якіх вы вельмі сумуеце”. Вы шмат пісалі нам пра іх, таму мы вырашылі зрабіць для вас гэты анлайн.
На працягу кастрычніка вы зможаце ўбачыць спектаклі “Сіндром Медэі”, “Профіт”, “Бетон” і “Тры Жызэлі”.
Спектакль “Калека з вострава Інішман” Рэспубліканскага тэатра беларускай драматургіі – удзельнік V Міжнароднага фестывалю Марціна МакДонаха! Спектакль адбудзецца 4 кастрычніка 2022 года ў Вялікай зале тэатра “Ля Моста” (Перм, Расія).
Рэспубліканскі тэатр беларускай драматургіі прадставіць прэм’ерны спектакль мінулага сезона “Камень дурасці” на XXXII Міжнародным тэатральным фестывалі “Балтыйскі дом” у Санкт-Пецярбургу. Паказ пройдзе 2 кастрычніка 2022г. на вялікай сцэне Тэатра-фестывалю “Балтыйскі дом”.