У рамках доўгатэрміновага дагавора аб супрацоўніцтве Беларускі дзяржаўны педагагічны ўніверсітэт імя М. Танка падрыхтаваў для гледачоў спектакля “Заручыны” музычны падарунак да Міжнароднага жаночага дня. У холе тэатра будзе граць акардэаніст Уладзімір Федарук.
Уладзімір Федарук – акардэаніст, саліст ансамбляў “Фестываль” і “Лепрыконсы”, магістр педагагічных навук, старшы выкладчык кафедры музычна-педагагічнай адукацыі факультэта эстэтычнай адукацыі БДПУ. Уладзімір Федарук з’яўляецца лаўрэатам міжнародных конкурсаў, а таксама аўтарам вучэбных дапаможнікаў, хрэстаматый, рэпертуарных зборнікаў, навуковых артыкулаў, п’ес для акардэона, аранжыровак і перакладанняў.
Чакаем вас 7 сакавіка ў 18:15 у Рэспубліканскім тэатры беларускай драматургіі. Уваход – па квітках на спектакль.