Заручыны

Маладыя дзяўчыны, якія чакаюць свайго шчасця… Хлопцы, для якіх шлюб – спосаб вырашыць асабістыя праблемы… І бацькі, якія, безумоўна, жадаюць найлепшага для сваіх красуль, хоць і клапоцяцца за лёс дачок па-рознаму… Гратэск і сакавіты гумар, эксклюзіўныя песні на вершы Янкі Купалы, яскравыя пластыка і харэаграфія, надзвычайныя сюжэты і персанажы, блытаніна і падман – усё дзеля таго, каб маладыя зрабілі шчаслівы выбар.
“Заручыны” – гэта дзве гісторыі заручын і два спектаклі ў адзін вечар! Неад’емнай часткай “вечара гарадскіх камедый” стане тэатральная гасцёўня, на якой кожны глядач зможа пагрузіцца ў каларыт і атмасферу Мінска канца XIX – пачатку XX стагоддзяў і стаць паўнавартасным сутворцам гарадской культуры таго часу. Дзверы ў тэатральную гасцёўню адчыняюцца ў 18:30. Чакаем вас!

Рэжысёр-пастаноўшчык – Святлана Навуменка
Сцэнограф – Юрый Саламонаў
Кампазітар – Андрэй Лабчэўскі
Харэограф – Дзіяна Юрчанка

Узроставыя рэкамендацыі: 16+
Прэм’ера: 19 снежня 2024 г.
Працягласць: 1 г. 50 хв. з антрактам

• VIII Рэспубліканскі конкурс тэатральнага мастацтва “Нацыянальная тэатральная прэмія” (Беларусь), лістапад 2025г. 
• XVIII Міжнародны маладзёжны тэатральны форум «М@rt.кантакт» (Магілёў, Беларусь), сакавік 2025г.

• Юлія Гружэўская стала пераможцам у намінацыі “Найлепшая жаночая роля ў спектаклі тэатра драмы” за ролю Барбары ў спектаклі “Заручыны” на VIII Рэспубліканскім конкурсе тэатральнага мастацтва “Нацыянальная тэатральная прэмія”.