Набор у майстэрню “Гуляем у тэатр” адкрыты!
Ідзе новы набор дзяцей і падлеткаў ад 6 да 18 гадоў у тэатральную майстэрню “Гуляем у тэатр”!
З 5 па 28 верасня 2025 года праходзіць набор у трэці сезон творчай пляцоўкі “Гуляем у тэатр”, дзе ўдзельнікі могуць пазнаёміцца з тэатральнай магіяй і раскрыць сябе з дапамогай гульні ў тэатр.
Майстэрня стане для дзяцей месцам, дзе можна не проста ўбачыць цікавыя і захапляльныя гісторыі на сцэне, але і самому стаць стваральнікамі міні-спектаклей. Месцам, поўным добразычлівасці і цеплыні, месцам, дзе нараджаецца сапраўднае сяброўства і рэалізуюцца яскравыя ідэі.
Развіццё прафесійных акцёрскіх навыкаў і ўяўлення, разбор матываў паводзін персанажаў і пастаноўка спектакляў – усё гэта дапаможа ўдзельнікам падлеткавай групы не толькі раскрыць свае творчыя здольнасці, але і папрацаваць над навыкамі выступлення на публіцы і пашырыць свой кругагляд.
Выкладчыкамі майстэрні з’яўляюцца акцёры РТБД! Набор адбываецца ў групы:
- для дзяцей ад 6 да 10 гадоў (майстар – Надзея Цвяткова);
- для падлеткаў ад 11 да 18 гадоў (майстар – Канстанцін Воранаў).
У праграме творчай майстэрні:
- Майстар-класы па акцёрскім майстэрстве;
- Заняткі па сцэнічным маўленні і пластыцы;
- Гульнявыя трэнінгі, якія развіваюць памяць, увагу, уяўленне і фантазію;
- Арт-тэрапія;
- Эстэтычнае выхаванне, чытанне літаратуры, навучанне прыгожаму і трапнаму валоданню беларускай мовай, вывучэнне гісторыі тэатра;
- Праца над эцюдамі: развіццё фантазіі і ўвагі, умення імправізаваць;
- Праца на сцэне: разбор матываў паводзін персанажаў, асваенне дэкарацый, уменне карыстацца рэквізітам;
- Пастаноўка спектакляў.
Мы дапамагаем кожнаму дзіцяці і падлетку праявіць сябе, раскрыць свой творчы патэнцыял і не баяцца выступаць на публіцы.
Умовы:
- Да ўдзелу ў майстэрні запрашаюцца дзеці і падлеткі ад 6 да 18 гадоў;
- Досвед і ўменні не маюць значэння;
- Заняткі праводзяцца ў групах 10-15 чалавек 1 раз на тыдзень:
– група 6-10 гадоў: нядзеля, 14:00-16:00;
– група 11-18 гадоў: нядзеля, 16:00-18:00. - Кошт 1 сустрэчы (2 гадзіны) – 40 р. 4 ці 5 сустрэч на месяц. Аплата за заняткі адбываецца аднаразова за месяц.
Афіцыйныя дакументы аб дзейнасці майстэрні:
– ПАЛАЖЭННЕ аб дзейнасці майстэрні;
– ДАГАВОР ДАЛУЧЭННЯ.
Набор адбываецца з 5 па 28 верасня 2025 года. Каб падаць заяўку на ўдзел у майстэрні неабходна запоўніць рэгістрацыйную форму па спасылцы ТУТ.
Далучайцеся да нашай творчай майстэрні!
Пытанні можна задаць па тэлефонах: +375 44 534 27 22 (Надзея Цвяткова), +375 29 698 15 96 (Канстанцін Воранаў).