Спектакль “Вечар” прайшоў у рамках Восеньскага фестывалю і Кітайскага Шанхайскага міжнароднага фестывалю мастацтваў. Рэспубліканскі тэатр беларускай драматургіі першы раз за сваю гісторыю прадставіў свае спектаклі ў Кітайскай Народнай Рэспубліцы.

Трое старых – пазнавальныя героі Васіль, Ганна і Гастрыт – жывуць у адной вёсцы і бавяць час разам: дзеці з’ехалі, а навокал нікога няма, акрамя Сонца, Неба, Зямлі ды старога радыё. Смешная і лірычная гісторыя самотных старых, іх кахання, сяброўства і бацькоўства застаецца актуальнай і ў нашыя часы.

Бліжэйшы паказ спектакля “Вечар” на сцэне РТБД – 14 студзеня 2026 года.

Фота: Theatre Young