ГАННА
АНІСЕНКА

Нарадзілася 8 мая 1969 года ў Мінску.

З 1987 па 1993 год вучылася на філалагічным факультэце Беларускага дзяржаўнага ўніверсітэта (спецыяльнасць – руская мова і літаратура). Падчас навучання прымала ўдзел у працы студэнцкага тэатра.

У 1994 — 1998 гг. вучылася ў Беларускай акадэміі мастацтваў па спецыяльнасці “рэжысура драмы”.

У 2002 г. скончыла Беларускі дзяржаўны ўніверсітэт культуры, атрымаўшы спецыяльнасць рэжысёра і ступень бакалаўра мастацтваў.

У РТБД працуе з 2001 г.

Працавала выкладчыцай тэатральных прадметаў у школах з тэатральным ухілам. Выпусціла тэатральны клас у СШ №136.

Ганна Анісенка стала першым на Беларусі прафесійным бальнічным клоўнам. Паралельна з работай у тэатры да 2016 года яна займалася клоўнатэрапіяй у Рэспубліканскім навукова-практычным цэнтры дзіцячай анкалогіі і гематаголіі і ў Мінскім гарадскім цэнтры рэабілітацыі дзяцей, праводзіла трэнінгі і майстар-класы з замежнымі калегамі-клоўнамі.

За сваю дзейнасць у тэатры і па-за яго межамі Ганна Анісенка ўзнагароджана медалём Францыска Скарыны (2011г).

сённяшнія спектаклі

МІНУЛЫЯ СПЕКТАКЛІ

ІНШЫЯ РАБОТЫ Ў ТЭАТРЫ

сённяшнія спектаклі