Таямніца чароўнага календара

“Таямніца чароўнага календара” – гэта гісторыя, у якой ёсць месца прыгодам і, самае важнае, цудам. Менавіта ў такое падарожжа РТБД прапануе адправіцца самым маленькім тэатралам і іх бацькам.

Героі спектакля – мілыя, кранальныя лялькі, якія, на вялікі жаль і няшчасце, засталіся кінутымі ў адзіноце. Калі дзеці вырастаюць, цацкі становяцца нікому не патрэбныя. Але ж гэтыя лялькі па-ранейшаму любяць сваіх гаспадароў. А зараз вымушаны жыць у жудасным месцы, дзе на кожным кроку іх чакае небяспека – на іх аб’яўлена паляванне. Таямніца, якую захоўвае Чароўны Каляндар, дае шанец на выратаванне. Але ці ўсе гатовыя да Цуду? А што калі аб’яднаць намаганні і разам гэты Цуд стварыць?

У спектаклі незвычайная колькасць музыкі, харэаграфіі і жывога вакалу. Стваральнікі спектакля гавораць пра вельмі важныя і патрэбныя рэчы на простай і зразумелай кожнаму дзіцяці мове.

Рэжысёр-пастаноўшчык – Святлана Навуменка
Мастак-сцэнограф і мастак па касцюмах– Юрый Саламонаў
Харэограф – Максім Дубоўскі
Тэксты песень – Максім Дубоўскі
Пераклад – Святлана Навуменка

Узроставыя рэкамендацыі: 6+
Прэм’ера: 14 кастрычніка 2020 г.
Працягласць: 1 г. 25 хв. без антракту

УВАГА! У спектаклі выкарыстоўваецца дым-машына.
Калі ласка, улічвайце гэтую інфармацыю пры планаванні наведвання спектакля.