(па матывах п'есы "Утиная охота")
ПАЛЯВАННЕ НА СЯБЕ
Жыў-быў чалавек з прозвішчам Зілаў. Звычайны чалавек са звычайным прозвішчам. І была ў яго звычайная жонка. Як раптам… ён атрымаў кватэру! Здавалася б, усё ў яго павінна быць добра. Але ён аказваецца замураваны ў лабірынце ўласнай свядомасці. А ў лабірынце гэтым шмат квэст-пакояў, дзе яго чакаюць жонка, палюбоўніца, сябры. З кожным крокам Зілаў заблытваецца ўсё больш. Ці знойдзе ён выхад?
Спектакль “Паляванне на сябе” пра тых, хто лічыць сябе дарослым, а на справе аказваецца дзіцём, якое ўпершыню патрапіла ў такі квэст-пакой уласнага жыцця.
Стас Жыркоў аб спектаклі:
“Часцей за ўсё гэту гісторыю разглядаюць як вельмі бытавую, але на самой справе ў п’есе закладзены небытавы ход. І менавіта таму мне цікава паглядзець на гэтага аўтара зараз, бо час дае розныя магчымасці для працы на сцэне.
Што гэта будзе? Адказваю проста: гумар, гумар, гумар і яшчэ раз гумар, толькі смеху будзе станавіцца не больш, а менш. Не заўсёды чалавек смяецца тады, калі хоча…
Акцёры РТБД – фантастычныя. Іх рашучасць, апантанасць тэатрам, іх жаданне быць лепш – усё гэта дапаможа спектаклю стаць не проста “Паляваннем на сябе”, а “Дзікім паляваннем на сябе!!!””
Рэжысёр – Стас Жыркоў (Украіна)
Мастак – Алена Ігруша
Кампазітар – Андрэй Ругару (Украіна)
Пераклад – Марыя Пушкіна
Узроставыя абмежаванні: 18+
Прэм’ера: 10 кастрычніка 2018г.
Працягласць: 2г. 45хв. з антрактам
УВАГА! У спектаклі ўжываецца ненарматыўная лексіка.
УВАГА! У спектаклі выкарыстоўваецца страбаскоп.
Калі ласка, улічвайце гэтую інфармацыю пры планаванні наведвання спектакля.
- II Міжнародны Тэатральны анлайн-фестываль адной п’есы Аляксандра Вампілава “Утиная охота 20.21”, 4-28 лістапада 2021г. Спектакль “Паляванне на сябе” (па п’есе Аляксандра Вампілава “Охота на себя”). Залаты дыплом лаўрэата і спецыяльны дыплом кіраўніка фестывалю Марыны Мяркулавай за вобразнасць, эмацыйнасць і пазачасовасць пастаноўкі.
- XXI Міжнародны тэатральны фестываль “Мельпамена Таўрыі” — Херсон, май 2019.
Пераможцы ў намінацыі “Акторскае майстэрства” — Сяргей Шымко і Людміла Сідаркевіч. - Гастролі ў Кіеўскім акадэмічным тэатры драмы і камедыі на левым беразе Дняпра — г.Кіеў, май 2019.
- XIV Міжнародны маладзёжны тэатральны форум «М.@rt.контакт», г.Магілёў, сакавік 2019.
Сяргей Шымко і Людміла Сідаркевіч – пераможцы ў намінацыі “Акторскае майстэрства” на XXI Міжнародны тэатральны фестываль “Мельпамена Таўрыі” — Херсон, май 2019.
РОЛІ ВЫКОНВАЮЦЬ
ФОТАГАЛЕРЭЯ
ВОДГУКІ
ПАКІНУЦЬ ВОДГУК
Усе водгукі на нашым сайце праходзяць мадэрацыю, таму з’яўляюцца на сайце не адразу, а праз нейкі час.
смі аб спектаклі
- Віця, апусці ружжо! Чым скончыцца “Паляванне насябе”? – Алеся Шаршнёва, Sputnik, 11.10.2018
- Утка осенью в большой цене – Добрый зритель в 9–м ряду, СБ, 16.10.2018.
