Сябры!
Новая падборка відэаспектакляў ад РТБД ужо гатова да прагляду! На гэты раз яна прысвечана тэме магічнага і прыгожага беларускага фальклору.

Сябры!
Новы месяц – новы відэарэпертуар РТБД па вашых заяўках. Вы шмат пісалі нам пра гэтыя спектаклі, а мы з задавальненнем пакажам іх вам у відэафармаце!
З 1 снежня па 15 студзеня вы зможаце паглядзець спектаклі “Вецер шуміць у таполях” і “Профіт”.

Кожны месяц РТБД аднаўляе свой відэарэпертуар, каб даць вам магчымасць глядзець спектаклі тэатра ў зручнай вам форме. Мы верым, што #сапраўдныяэмоцыі можна атрымаць як ў нашай залі, так і дома за праглядам любімых твораў.
У лістападзе глядзім разам спектаклі “Калека з вострава Інішман” і “Бетон”!

Сябры! РТБД зноў адкрывае доступ да сваёй відэаскарбонкі! І прапануе вам любімыя спектаклі ў відэафармаце.
У кастрычніку вы можаце паглядзець спектаклі “Мудрамер” (таксама даступна версія з кітайскімі субтытрамі) і “Дзённік паэта”.

У новым “сезоне скарбаў” РТБД працягвае знаёміць вас са сваёй асаблівай скарбонкай – відэаархівам спектакляў тэатра розных часоў. Спектаклі, якія вы так любіце і якія можаце пераглядаць мільён разоў, як і мы! Кожны месяц новага сезона будзем радаваць вас рознымі спектаклямі і, безумоўна, #сапраўдныміэмоцыямі!

Сябры!
Нават на сваіх вакацыях РТБД не пакіне вас без #сапраўдныхэмоцый і любімых спектакляў! З 17 ліпеня па 31 жніўня вы зможаце паглядзець “Залатую калекцыю спектакляў РТБД” у відэафармаце. “Пачупкі”, “Камень дурасці”, “Бетон”, “Профіт” – у нашым “тэатральным меню” спектаклі на любы густ!

Сябры!
Новы рэпертуар відэапаказаў мы склалі поўнасцю па вашых заяўках. Дзякуй, што пішаце нам – мы вельмі рады, што такі фармат спектакляў вам таксама падабаецца!

Сябры!
Як заўжды на пачатку месяца РТБД прапануе сваім гледачам спектаклі ў відэафармаце.

8 красавіка відэасэрвіс VOKA пакажа прамую трансляцыю прэм’ернага спектакля Рэспубліканскага тэатра беларускай драматургіі “Вось я і прыйшла!”. Трансляцыя будзе даступна бясплатна з любой кропкі свету для ўсіх жадаючых. Анлайн-паказ пачнецца ў 19:00 па мінскім часе.