Хатыня

– Маланка так стрэльнула, што аж сасна згарэла…
– Абы большай бяды не было…

Людзі, якія прадчувалі бяду. Людзі, якія жылі ў няведанні, разгубленасці, бяссіллі. Людзі, перад якімі кожны дзень паўставаў адзін і той жа выбар, які на самой справе быў выбарам без выбару. Людзі вёскі Хатынь.
Што мы ведаем пра іх? Якімі яны былі, як жылі, як ставіліся адзін да аднаго, да наваколля, што адчувалі напярэдадні трагедыі, аб чым думалі, гутарылі, з чым прачыналіся і засыналі? Калі б яны маглі нам нешта сказаць… То што б гэта было?
“Хатыня” – а менавіта так сваю вёску называлі мясцовыя – гэта гісторыя людзей, якія жылі з прадчуваннем “большай бяды”…

Аўтар інсцэніроўкі – Аляксандр Бародка
Рэжысёр-пастаноўшчык – Аляксандр Бародка
Мастак-пастаноўшчык – Марына Алекна

Узроставыя рэкамендацыі: 12+
Прэм’ера: 11 ліпеня 2024 года
Працягласць: 1 г. 20 хв. без антракту

• VI Міжнародны тэатральны анлайн-марафон “Дарогі Перамогі”, анлайн-паказ, май 2025г.
• III Рэспубліканскі тэатральны фестываль “Перамога” (Мінск, Беларусь), май 2025г.

• Спектакль “Хатыня” атрымаў дыплом “Лепшы спектакль вялікай формы на нацыянальнай мове” на VI Міжнародным тэатральным анлайн-марафоне “Дарогі Перамогі” ў маі 2025г.
• Вераніка Буслаева стала лаўрэатам у намінацыі “Лепшая жаночая роля” (за ролю Стэфы) у конкурснай праграме “Спектакль тэатра драмы” III Рэспубліканскага тэатральнага фестывалю “Перамога” (Мінск, Беларусь) у маі 2025г.