КАМЕНЬ ДУРАСЦІ

Сумесная пастаноўка Рэспубліканскага тэатра беларускай драматургіі, Міжнароднай канфедэрацыі тэатральных саюзаў і Рэгіянальнага грамадскага фонду падтрымкі Міжнароднага тэатральнага фестывалю імя А. П. Чэхава

Папулярным сюжэтам у карцінах нідэрландскіх мастакоў Сярэднявечча
з’яўлялася “выдаленне каменя дурасці”, згодна з якім хірург нібыта вылечвае пацыента ад дурасці.
У галандскай жа мове “выразаць камень” азначае падмануць,
таму дзеянне на карцінах нагадвае больш шарлатанства,
чым сапраўдную хірургічную аперацыю.

Сучасная гісторыя беларускага драматурга Канстанціна Сцешыка – гэта меланхалічныя сцэны з жыцця чалавека, які перанёс складаную аперацыю на галаўным мозгу. Пазбавіўшыся свайго “каменя дурасці”, галоўны герой Раман пачынае востра адчуваць бессэнсоўнасць таго, што адбываецца ў яго жыцці і навокал. Здаецца, так было заўсёды: блізкія, што падманваюць сябе, прапаведуючы чужыя ім “правілы жыцця”, пустыя сустрэчы, размовы. Толькі цяпер гэта стала больш відавочным і невыносным.
Чым для Рамана з’явіцца “камень дурасці”? І ці толькі ў негатыўным кантэксце магчыма яго прачытанне?

Рэжысёр – Дзмітрый Зімін
Мастак – Алена Ігруша
Кампазітар – Аляксандр Сітнікаў
Пераклад – Марыя Пушкіна

Узроставыя рэкамендацыі: 16+
Прэм’ера: 26 сакавіка 2022 года
Працягласць: 1 г. 20 хв. без антракту

• III Міжнародны Ціхаакіянскі тэатральны фестываль (Уладзівасток, Расія), кастрычнік 2024г.
• VII тэатральны фестываль “Розаўфест” (Яраслаўль, Расія), красавік 2024г. 
• XXVII Міжнародны тэатральны фестываль “Белая Вежа” (Брэст, Беларусь), верасень 2023г. 
• Міжнародны тэатральны фестываль ім. А.П. Чэхава (Масква, Расія), чэрвень 2023
• XXXII Міжнародны тэатральны фестываль “Балтыйскі дом” (Санкт-Пецярбург, Расія), кастрычнік 2022г.

• VII тэатральны фестываль “Розаўфест” (Яраслаўль, Расія), красавік 2024г. Спектакль “Камень дурасці” атрымаў спецпрыз “За лепшае мастацкае рашэнне”
• XXVII Міжнародны тэатральны фестываль “Белая Вежа” (Брэст, Беларусь), верасень 2023г.
  Дыплом “За лепшы акцёрскі ансамбль”