Я, БАБУЛЯ, ІЛІКО І ІЛАРЫЁН

Спектакль РТБД “Я, бабуля, Іліко і Іларыён” – гэта спектакль-гімн, спектакль-настальгія па чалавечаму ў чалавеку: па сапраўдным каханні і бескарыслівым сяброўстве, па дабрыні, якая не просіць узнагароды, па сумленні, якім не гандлюць. 

Стваральнікі спектакля прапануюць узгадаць: што такое быць чалавекам? Бо часам самая вялікая радасць – гэта не знайсці страчанае, а ўсвядоміць, што яно жыве ў нас. І гэтага ніхто і ніколі не зможа адабраць.

Надар Думбадзэ – класік грузінскай літаратуры, аўтар, чые творы перакладзены на 96 моў свету. Яго проза – заўсёды спалучэнне камічнага і драматычнага, глыбокага лірызму і самаахвярнай любові да жыцця. Героі Думбадзэ – як ён сам адзначае – нават калі фізічна не бачаць святла, усё роўна здольныя ўбачыць сонца.

Рэжысёр-пастаноўшчык і аўтар інсцэніроўкі – заслужаны дзеяч мастацтваў Расіі Юрый Пахомаў
Сцэнаграфія – Алена Каляснікава
Кампазітар – Андрэй Лабчэўскі
Харэограф – Дзіяна Юрчанка
Пераклад — Вольга Кавалеўская

Узроставыя рэкамендацыі: 16+
Прэм’ера: 12 чэрвеня 2026 года
Працягласць: 2 г. 30 хв. з антрактам