Навiны

Дні беларускай драматургіі на VII міжнародным платонаўскім фестывалі мастацтваў

Паважаныя сябры! Рады паведаміць Вам, што з 9 па 11 чэрвеня ў Варонежы на VII міжнародным платонаўскім фестывалі мастацтваў пройдуць Дні беларускай драматургіі. Куратары праекта — тэатральны крытык Крысціна Мацвіенка (Масква) і кіраўнік Цэнтра беларускай драматургіі Аляксандр Марчанка (Мінск). Будуць прачытаныя п’есы Канстанціна Сцешыка («Летели качели»), Паўла Пражко («Три дня в аду»), Максіма Дасько («Лондон»), Андрэя Іванова («С училища»), Віталя Каралёва («Москоу Дримин»). А пачнецца праграма чытаннем п’есы «Сіндром Медэі» Юліі Чарняўскай (наш спектакль па гэтай п’есе можна наведаць 20 чэрвеня). Чакаем паведамленняў з Варонежу! 

 

Юлия Чернявская  «Синдром Медеи» (читка пьесы)

15:00 – Максим Досько «Лондон» (читка пьесы)

10 июня

12:00 – Андрей Иванов «С училища»  (читка пьесы и обсуждение с автором)

15:00 – Константин Стешик «Летели качели»  (читка пьесы и обсуждение с автором)

11 июня

12:00 – Виталий Королев «Москоу Дримин»  (читка пьесы)

15:00 – Павел Пряжко «Три дня в аду»  (читка пьесы и обсуждение с автором)

Прэзентацыі зборніка “Францыск Скарына і сучаснасць”

1 чэрвеня 2017 года прэм’ерным спектаклем Рэспубліканскага тэатра беларускай драматургіі «Беларусь.Дыдактыка» адкрыўся XVII Нацыянальнага фестывалю беларускай песні і паэзіі “Маладзечна-2017” . Падчас адкрыцця на творчай вечарыне «З’яднаныя любоўю да зямлі сваёй» РТБД прэзентаваў зборнік драматычных твораў «Францыск Скарына і сучаснасць», які быў выдадзены ў сакавіку 2016 года Нацыянальнай бібліятэкай Беларусі.

Першая прэзентацыя зборніку «Францыск Скарына і сучаснасць» адбылася 10 сакавіка 2017 года ў горадзе Бялград (Сербія) падчас XVI Міжнароднага тэатральнага фестывалю «СЛАВІЯ-2017». Зборнік быў перададзены ў Нацыянальную бібліятэку Сербіі.

Таксама адбыліся прэзентацыі зборніка:

  • падчас прэс-канферэнцыі, прысвечанай XIII Міжнароднаму фестывалю тэатральнага мастацтва «Славянскія тэатральныя сустрэчы» (Гомель, май 2017), зборнік пераданы Гомельскаму абласному драматычнаму тэатру,
  • на XI абластным фестывалі дзіцячай тэатральнай творчасці «Чароўны куфэрак» для кіраўнікоў дзіцячых тэатральных калектываў РБ і Украіны,
  • на Днях культуры і славянскай пісьменнасці у горадзе Бельск (Польшча, 21-26 мая 2017г.), якія былі прымеркаваныя 500-гадовага юбілею беларускага кнігадрукавання. Зборнік пераданы аб’яднанню «Музей малой бацькаўшчыны ў Студзіводах».

У год 525-годдзя з дня нараджэння Францыска Скарыны і 500-годдзя беларускага кнігадрукавання РТБД плануе наступныя прэзентацыі зборніка:

  • у Дзень беларускай пісьменнасьці ў Полацку (верасень 2017),
  • падчас гастроляў РТБД у горадзе Лодзь (Польшча, верасень 2017),
  • на Рэспубліканскім фестывалі нацыянальнай драматургіі імя В.І.Дуніна-Мацінкевіча ў Бабруйске (лістапад 2017).

 

Увага! Адмена спектакля!

Паважаныя гледачы!

14 чэрвеня спектакль “Адэль” адмяняецца.

Квіткі, набытыя ў касе тэатра, прымаюцца ў касе да 19 чэрвеня (панядзелак — субота з 14.00 да 19.00).

Калі вы набылі квіткі ў інтэрнэце, вяртайце іх, калі ласка, праз білетных аператараў.

Прыносім свае выбачэнні!

 

Чакаем прэм’еру!

Сябры! Мы з нецярпеннем чакаем прэм’еру спектакля “Кар’ера доктара Рауса”. Спадзяемся, што і вы таксама.

Калі вы жадаеце сачыць за падзеямі апошняга этапа падрыхтоўкі спектакля, запрашаем вас далучацца да нашага праекта #10днейдопремьеры ў сацсетках — Facebook і ВКонтакте.

TEAM THEATRE (г.Гомель) у РТБД

6 красавіка да нас у госці завітае THEAM THEATRE  з Гомеля!

На пляцоўцы Цэнтра беларускай драматургіі пройдзе паказ спектакля “Мой легіянер” (а 18:00, квіткі — 7 руб.) і адбудзецца сцэнічнае чытанне п’есы Андрэя Курэйчыка  “Накцюрн” (а 20:00, уваход вольны, запіс па тэл. +375296463836, Анастасія Васілевіч). Пасля чытання пройдзе абмеркаванне, мадэратарам якога выступіць тэатральны крытык Людміла Грамыка.

Больш інфармацыі.

Чакаем вас і «Team Theatre» з нецярпеннем!

З Міжнародным днём тэатра!

Сябры!
Віншуем вас з Днём тэатра!
Усім, хто робіць гэтую няпростую, але такую неверагодную рэч пад назвай “ТЭАТР” жадаем сіл, творчага неспакою, невычэрпнага натхнення, асалоды ад працы, незабыўых прэм’ер і ўдзячных гледачоў.
А нашым любімым гледачам – нязгаслай цікавасці, новых уражанняў, сапраўдных эмоцый, а таксама жадання і магчымасцяў прыходзіць да нас часцей.
Са святам!
Ваш РТБД

Удзельнічаем у XVI Міжнародным тэатральным фестывалі “Славія-2017”

Сёння ў Бялградзе адбылася прэзентацыя нашага тэатра і падпісанне пагаднення аб супрацоўніцтве з бялградскім тэатрам “Славія”. У цырымоніі прынялі ўдзел прадстаўнікі парламента Сербіі, пасольства Беларусі ў Сербіі, тэатральнай грамадскасці, дзеячаў культуры і мастацтваў сербскай сталіцы, СМІ.
Чытаць цалкам

Кантакты


Дзяржаўная ўстанова
«Заслужаны калектыў Рэспублiкi Беларусь
«Рэспублiканскi тэатр беларускай драматургii»
г.Мінск, вул.Крапоткіна, 44
тэл.: (017) 286 03 27
тэл.: (029) 154 04 44
каса: (017) 385 97 51
Каса працуе: пнд. - сбт. 14.00-19.00, вых. - нядзеля
tbd@tut.by

 

Сацсеткi


 facb vkic instgr ytubeico

Рэспублiканскi тэатр беларускай драматургіі


© 20152017 РТБД | Дызайн — STUDIO OS