НАВІНЫ

Віншуем з юбілеем!

Ад усяго сэрца віншуем Сяргея Шымко з юбілеем!

Жадаем, каб усе Вашы творчыя ідэі ўвасабляліся ў жыццё, з’яўляліся праекты і ролі, пра якія Вы марыце! Няхай у Вашай душы не вычэрпваецца крыніца шчырасці, гумару і дабрыні, прыемнымі будуць клопаты, заўсёды побач знаходзяцца родныя людзі! Доўгіх Вам, плённых і шчаслівых гадоў жыцця, дабрабыту і невычэрпнай энергіі!

З павагай, калектыў РТБД

Рэспубліканскі фестываль нацыянальнай драматургіі ім.В.Дуніна-Марцінкевіча. Нашы ўзнагароды

РТБД працягвае калекцыяніраваць дыпломы і ўзнагароды розных фестываляў.
Учора скончыўся Рэспубліканскі фестываль нацыянальнай драматургіі ім.В.І.Дуніна-Марцінкевіча.

Акрамя дыплома тэатру за захаванне традыцый, важкі ўклад у развіццё і папулярызацыю беларускай драматургіі, мы атрыма лі яшчэ дзве ўзнагароды.

Людміла Сідаркевіч была прызнана лепшай актрысай (роль Марыны\Медэі ў спектаклі «Сіндром Медэі»), а Гражына Быкава стала лепшай у намінацыі «Лепшая жаночая роля другога плана» (роль Галі ў спектаклі «Сіндром Медэі»).

Віншуем!

Тыдзень сучаснай беларускай драматургіі

Запрашаем вас наведаць Тыдзень сучаснай беларускай драматургіі –  “Канцэнтрацыя”(27.11 – 03.12).

Тыдзень сучаснай беларускай драматургіі – гэта магчымасць:

  • даведацца пра развіццё беларускай драматургіі ад XIX стагоддзя да сучаснасці, пачуць знакавыя прозвішчы і зразумець, у чым заключаецца феномен беларускай драматургіі;
  • паглядзець прэм’еру спектакля па п’есе «Тры дні ў пекле» Паўла Пражко ў пастаноўцы Цімафея Ткачова – выпускніка Расійскага дзяржаўнага інстытута сцэнічных мастацтваў ( г. Санкт-Пецярбург, курс Анатоля Праўдзіна) і прыняць удзел у абмеркаванні спектакля разам з рэжысёрам;
  • на працягу тыдня ўбачыць шэсць пастановак па п’есах айчынных аўтараў. У тым ліку і спектакль «Гэта ўсё яна», які атрымаў спецыяльны прыз на прэстыжным Авіньёнскім фестывалі;
  • развітацца са спектаклем «Белы анёл з чорнымі крыламі»: у рамках тыдня адбудзецца яго апошні паказ;

паўдзельнічаць у творчых сустрэчах з драматургамі – Віктарам Марціновічам, Андрэем Івановым, Дзіянай Балыка, Дзмітрыем Багаслаўскім, Юліяй Чарняўскай. Сустрэчы адбудуцца пасля спектакляў Тыдня.

Больш інфармацыі тут.

Пашыраем моўныя межы

Сябры!

«Сезон без межаў» РТБД – гэта бязмежжа прыемных адкрыццяў для вашых і нашых сапраўдных эмоцый.
У гэты раз мы разбураем моўныя межы і прапануем вам прагляд спектакляў з субтытрамі на замежных мовах – англійскай, французскай, польскай і інш.
4-га і 28-га лістапада «Кар’ера доктара Рауса» распавядзе вам гісторыю летуценнага, шчырага Францыска Скарыны ў суправажэнні субтытраў на англійскай мове. А спектакль-прызёр прэстыжнага Авіньёнскага фестывалю «Гэта ўсё яна» дапаможа зірнуць на спрадвечную праблему бацькоў і дзяцей 5 лістапада ў суправаджэнні субтытраў на англійскай мове, а 30 лістапада – з субтытрамі на французскай мове.
РТБД – бязмежжа вашых сапраўдных эмоцый!

Даведка і замова квіткоў па тэл. (029) 154 04 44

Працяг праектаў

В «Сезоне без межаў» мы працягваем супрацоўніцтва з установамі адукацыі і Гарадскім цэнтрам здароўя ў рамках праектаў «Пад знакам здароўя» і «Культурная спадчына: традыцыі і сучаснасць».

24 кастрычніка а 19:00 у рамках праекта «Культурная спадчына: традыцыі і сучаснасць» у адпаведнасці з праграмай супрацоўніцтва ўстаноў адукацыі з ўстановамі сацыякультурнай сферы і ў рамках мерапрыемстваў, прысвечаных святкаванню 135-годдзя з дня нараджэння класікаў беларускай літаратуры Я. Купалы і Я. Коласа адбудзецца мерапрыемства «На кожнай сцяжынцы ІХ песня і голас … ». Праграмай мерапрыемства прадугледжана сустрэча з членамі Саюза пісьменнікаў Беларусі і сумесны прагляд спектакля «Адвечная песня».

А 28 кастрычніка для навучэнцаў гімназіі №5 і іх бацькоў адбудзецца першая сустрэча ў рамках праекта «Пад знакам здароўя» з праглядам спеткаля «Гісторыя двух сабак» (пачатак а 10:30).

Запрашаем на канцэрт

3 кастрычніка ў 18.30 у Рэспубліканскім тэатры беларускай драматургіі адбудзецца канцэрт “Музыка душы …”

Шэдэўры камернай вакальнай і інструментальнай музыкі 18-20 стагоддзяў прагучаць у выкананні навучэнцаў Мінскага дзяржаўнага музычнага каледжа імя М.І. Глінкі

Мы ў Лодзі

Напрыканцы мінулага тыдня ў польскім горадзе Лодзь прайшлі гастролі нашага тэатра.

У рамках Фестывалю Лодзь Чатырох культур 15 і 16 верасня ў Новым тэатры імя Казімера Дэймка мы паказалі спектакль “Чарнобыльская малітва” па аднайменный аповесці Святланы Алексіевіч.

Абодва паказы прайшлі з вялікім поспехам  і атрымалі шмат пазітыўных водгукаў ад польскіх гледачоў.

Паміж РТБД і Новым тэатрам была падпісана дамова аб далейшым супрацощніцтве, а гэта значыць, што беларускі глядач у хуткім часе будзе мець магчымасць пабачыць спектаклі нашых польскіх калег, а мы падзелімся сваёй творчасць з гледачамі Лодзі

УВАГА! Адмена спектакля!

Паважаныя гледачы!

Спектакль “ПЕЛІКАН” 23 верасня адмяняется.

Квіткі, набытыя ў касе тэатра, можна здаць у касу да 28.09.
Квіткі, набытыя ў білетных аператараў, вяртаюцца згодна з іх правіламі.

Прыносім свае выбачэнні!

Мы ў Полацку

Сёння ў старажытным Полацку ў праграме Дня беларускага пісьменства прайшоў паказ спектакля “Беларусь. Дыдактыка”.

У 2017 годзе гэта свята прымеркавана да 500-годдзя беларускага кнігадрукавання, а месцам правядзення стаў Полацк — родны горад беларускага асветніка і першадрукара Францыска Скарыны.

Кантакты


Дзяржаўная ўстанова
«Заслужаны калектыў Рэспублiкi Беларусь
«Рэспублiканскi тэатр беларускай драматургii»
г.Мінск, вул.Крапоткіна, 44
тэл.: (017) 286 03 27
тэл.: (029) 154 04 44
каса: (017) 385 97 51
Каса працуе: аўт. - ндз. 10.00-19.00, вых. - панядзелак
перапынкі: 13.00-14.00, 15.30-16.00
tbd@tut.by

 

Сацсеткi


 facb vkic instgr ytubeico

Рэспублiканскi тэатр беларускай драматургіі


© 20152017 РТБД | Дызайн — STUDIO OS