Рэспубліканскі тэатр беларускай драматургіі створаны ў 1990 годзе як тэатр-лабараторыя для падтрымкі і развіцця беларускай драматургіі. За гады існавання РТБД стаў неад’емнай часткай культуры Беларусі і адным з лідэраў сучаснага беларускага тэатра.
Тэатр стварае спектаклі на вострыя сацыяльныя тэмы, эксперыментуе, актыўна займаецца пошукам новых форм і жанраў у тэатральным мастацтве. Аснову рэпертуару – больш за 70% пастановак – складаюць творы беларускіх аўтараў. Усе спектаклі тэатра ідуць на беларускай мове.
Тэатральны сезон 2025-2026 у РТБД з’яўляецца XXXIV і мае назву “Сезон сэнсаў”.
18 чэрвеня 2026 года на пляцоўцы Маладога тэатра (“Theatre Young”) у Шанхаі прайшоў майстар-клас “Асновы сцэнічнай мовы і дыхання” ад дырэктара РТБД і рэжысёра Святланы Навуменка.
З 19 па 21 чэрвеня 2026 года пройдуць гастролі Рэспубліканскага тэатра беларускай драматургіі ў Кітайскай Народнай Рэспубліцы! Шанхайскі глядач зможа зноў убачыць спектакль “Вечар”, створаны па п’есе класіка беларускай драматургіі Аляксея Дударава.
З 31 жніўня па 5 верасня 2026 года ў Рэспубліканскім тэатры беларускай драматургіі адбудзецца Тыдзень сучаснай беларускай драматургіі «Канцэнтрацыя», які ладзіць Цэнтр беларускай драматургіі. На працягу Тыдня гледачоў чакаюць спектаклі па творах беларускіх драматургаў, новыя сцэнічныя чытанні і лекцыя.
Усе водгукі на нашым сайце праходзяць мадэрацыю, таму з’яўляюцца на сайце не адразу, а праз нейкі час.
Часцей за ўсё мы адпраўляем нашы рассылкі з навінамі і спецыяльнымі прапановамі для нашых падпісчыкаў адзін або два разы на месяц. Абяцаем не спаміць і не замінаць вам частымі і незмястоўнымі лістамі!
