Рэспубліканскі тэатр беларускай драматургіі створаны ў 1990 годзе як тэатр-лабараторыя для падтрымкі і развіцця беларускай драматургіі. За гады існавання РТБД стаў неад’емнай часткай культуры Беларусі і адным з лідэраў сучаснага беларускага тэатра.
Тэатр стварае спектаклі на вострыя сацыяльныя тэмы, эксперыментуе, актыўна займаецца пошукам новых форм і жанраў у тэатральным мастацтве. Аснову рэпертуару – больш за 70% пастановак – складаюць творы беларускіх аўтараў. Усе спектаклі тэатра ідуць на беларускай мове.
Тэатральны сезон 2025-2026 у РТБД з’яўляецца XXXIV і мае назву “Сезон сэнсаў”.
12 і 13 чэрвеня 2026 года на сцэне Рэспубліканскага тэатра беларускай драматургіі адбудзецца прэм’ера спектакля “Я, бабуля, Іліко і Іларыён” паводле аднайменнага рамана класіка грузінскай літаратуры Надара Думбадзэ ў рэжысёрскім прачытанні заслужанага дзеяча мастацтваў Расіі Юрыя Пахомава.
Тэатразнавец і рэдактар Цэнтра беларускай драматургіі Яўгенія Бачыла зрабіла аналітычны агляд спектакля “Хам”, дзе паразважала пра шмат’ярусную сэнсавую структуру пастаноўкі і пагутарыла з акцёрамі пра гісторыю Элізы Ажэшка. Публікуем тэкст на нашым сайце.
Малодшая група майстэрні “Гуляем у тэатр” пад кіраўніцтвам Надзеі Цвятковай прадставіла казку Уладзіміра Караткевіча “Чортаў скарб” у рамках выніковага пазазу сезона.
Усе водгукі на нашым сайце праходзяць мадэрацыю, таму з’яўляюцца на сайце не адразу, а праз нейкі час.
Часцей за ўсё мы адпраўляем нашы рассылкі з навінамі і спецыяльнымі прапановамі для нашых падпісчыкаў адзін або два разы на месяц. Абяцаем не спаміць і не замінаць вам частымі і незмястоўнымі лістамі!
