Рэспубліканскі тэатр беларускай драматургіі створаны ў 1990 годзе як тэатр-лабараторыя для падтрымкі і развіцця беларускай драматургіі. За гады існавання РТБД стаў неад’емнай часткай культуры Беларусі і адным з лідэраў сучаснага беларускага тэатра.
Тэатр стварае спектаклі на вострыя сацыяльныя тэмы, эксперыментуе, актыўна займаецца пошукам новых форм і жанраў у тэатральным мастацтве. Аснову рэпертуару – больш за 70% пастановак – складаюць творы беларускіх аўтараў. Усе спектаклі тэатра ідуць на беларускай мове.
Тэатральны сезон 2025-2026 у РТБД з’яўляецца XXXIV і мае назву “Сезон сэнсаў”.
28 красавіка і 8 мая 2026 года ў рамках праекта “Код памяці: ад сэрца да сэрца” спектакль “Альпійская балада” будзе паказаны для школьнікаў устаноў адукацыі Кастрычніцкага і Цэнтральнага раёнаў.
19 і 20 чэрвеня 2026 года адбудуцца паказы сцэнічнага чытання п’есы “Ма-Сін-Сін” Улады Альхоўскай – драмы для сямейнага прагляду ад Цэнтра беларускай драматургіі.
Фінальны паказ Трэцяга этапу Міжнароднай тэатральнай акустычнай школы для краін СНД і Грузіі прайшоў на сцэне Рэспубліканскага тэатра беларускай драматургіі 6 красавіка 2026 года.
Усе водгукі на нашым сайце праходзяць мадэрацыю, таму з’яўляюцца на сайце не адразу, а праз нейкі час.
Часцей за ўсё мы адпраўляем нашы рассылкі з навінамі і спецыяльнымі прапановамі для нашых падпісчыкаў адзін або два разы на месяц. Абяцаем не спаміць і не замінаць вам частымі і незмястоўнымі лістамі!
